عصير الافوكا والكركاع صحي ولذيذ جدا

السلام عليكم حباباتي الغزالات ان شاء الله ايامكم
تكون كلها حب ومودة وفرح اليوم نقدم ليكم عصير
الافوكا والكركاع لي هو عصير فهلا صحي غني بالالياف
والاملاح المعدنية لي كنحتاجو كل يوم باش الجسم يقوم
بالوظائف ديالو الاعتيادية بكل سهولة وتقدميه في كل
وقت حبيتي لانه سهل التحضير
نتوكلو على الله ونبداو بسم الله

عصير الافوكا والكركاع

المقادير :

1 لتر حليب
2 حبات افوكا من الحجم الكبير
100 غرام كركاع
2 ملاعق عسل حر
1 ملعقة سكر سنيدة اختياري

طريقة تحضير عصير الافوكا والكركاع :

هي طريقة سهلة من طبيعة الحال فخلاط كهربائي
نديرو الكركاع مهرمش والافوكا باش منضيعوش منها
فجلوف ديالها من الاحسن نحيدو بمعلقة ديال الحديد
والحليب والعسل الحر والسكر كيبقا اختياري وليني
من الاحسن نكتفيو بالعسل لانه كيفيد الجسم اكثر


ونطحنوه ونقدموه بارد وليني من الاحسن نتفاداو لون
لي كيولي فالعصير ديال الافوكا من بعد مدة يكون الحليب
يالاه مخرجينو من الثلاجة والافوكا حتى هي قبل مانفكوها
ونقدمو عصير الافوكا والكركاع بالصحة والعافية

كنتمنى يعجبكم ونالو نصيب من صالح دعائكم

ولاعز الناس بالشفاء
العاجل ولصاحبة الوصفة الاخت ليلى كاميل
جزاها الله عنا كل خير و وفق سعيها

المصدر : موقع ليلى كاميل

3 تعليقات

ترك تعليق