طورطة بمربى الحليب و الشوكولاتة

جديد الطورطات جاراتي ، اليوم طورطة بمربى الحليب و الشوكولاتة بالمراحل خطوة بحطوة . الطورطة هذه تتطلب الوقت وبعض المجهود لكنها تبقى رائعة وتستحق كل دقيقة تعب .

طورطة بمربى الحليب و الشوكولاتة

الطورطة مشاركة من موقع الحلويات والطورطات الفرنسي une irrésistible envie de sucré . كما بامكانك مشاهدة عدد كبير من الطورطات وحلويات الكريم بالصور والطريقة على موقع جاراتي مــن هــنــا 

مقادير العجينة :

4 البيضات
100 غرام لوز بودرة
100 غرام طحين
1 ياغورت
80 غرام سكر سنيدة
2 خنيشات سكر الفاني
10 سنتيليتر زيت
خنيشة خميرة الحلوة

مقادير المربى بالحليب :

397 غرام حليب مركز محلى
100 غرام زبدة
150 غرام من نوازيت او اي نوع من الفواكه الجافة

مقادير الشكلاط :

80 غرام شكلاط كحل
15 سنتيلتر قشدة طرية
ورقة جيلاتين
( حذاري من الجيلاتين المصنوع من من مواد الخنزير )

طريقة التحضير :

نبداو بطريقة تحضير مربى الحليب

كنديرو فالكوكوت الحك ديال الحليب المركز المحلى ونديرو الما حتى يغطي الحك

وحتى يبدا الما يغلي عاد بسد الكوكوت ديالي ونخليوه يبقا يطيب لمدة ساعة على عافية متوسطة

ونخليوه يبرد قبل مانفتحوه وفهاد الاثناء نوجدو العجينة ديالنا

نحضر الطراب الكهربائي و نبقاو نطربو الزبدة ديالنا حتى تولي خفيفة وبيضاء والحجم ديالها مضاعف

وعاد نزيدو سكر الفاني و الياغورت و الزيت و نطربو مزيان

وعاد نزيدو اللوز بودرة و الطحين و الخميرة ونخلطو مزيان حتى تولي عندنا عجينة متماسكة

ونديروها فمول يكون القطر ديالو تقريبا 28 سنتيمتر مدهون بالزبدة و مرشوش بالدقيق

وندخلوها لفران يكون شخون مزيان طيب لمدة 30 دقيقة حتى تحمر مزيان

ونخرجوها ونخليوها تبرد عاد نحيدوها من المول

ونرجعو نكملو مربى الحليب كنطربو الزبدة بالطراب الكهربائي حتى تولي بيضاء وخفيفة

ونزيدو عليها 3/4 من كمية الحليب المركز المحلى ونزيدو نطربو حتى يولي خليط متجانس ونزيدو عليها نوازيت مهرمش

ونخلطو غير بمعلقة حتى يولي متجانس ونسرحوه فوق طورطة ديالنا

وندوزو نوجدو الطبقة ديال الشكلاط

فكسرونة نديرو القشدة الطرية سائلة و قطع الشكلاط ونديروهوم فوق عافية مهيلة

ونبقاو نحركو وملي يدوب الشكلاط مزيان نزيدو عليه الورقة ديال الجيلاتين

ورقة الجيلاتين نكونو درناها من قبل فالما بارد حتى ترخى

وملي دوب نحيدوه من فوق العافية حتى يفتر ونسكبه فوق الطورطة ديالنا

هاهي طريقة تحضير طورطة بمربى الحليب و الشوكولاتة بالصور

وصور التقديم 

نخليوها تبرد حتى يجي وقت التقديم ديالها بالصحة و الراحة

6 تعليقات

اترك رد

Do NOT follow this link or you will be banned from the site!