اليك سيدتي طريقة ناجحة لتحضير كرواصون بتي بان شنيك
بطريقة سهلة و رائعة و مكطلبش وقت كثير في التحصير
مقادير
نص كيلو فورص من نوع ممتاز
2معالق زيت
2معالق سكر سنيدة
2معالق حليب بدرة
معلقة خميرة معجونة
كيس فاني
كيس خميرة حلويات
بيضة
وماء دافئ للعجين
لتزين بيضة مخفوقة+كيس فاني
250 غرام زبدة لتوراق
طريقة
كنجمعو جميع مكونات بالماء دافئ ونحرصو ما تكونش لا رطبة ولا قصة
كندلكها 3او2دقائق فقط
كنعملها في اناء ونغطها ببلاستيك
ونخلوها تخمر
هنا ها هي خمرات
كنخدو الزبدة ونعملها في بلاستيكة كما هو واضح
كنطلقها بالمدلك حتى كيصبح سٌمك ديالها لا يتعدى 3و2سنيم
كفتحو بلاستيكة بهاد شكل
ونزلها مباشرة فوق العجين اللى طلقنا من قبل بهاد شكل
زبدة خصها تكون غير في 3/4
كنطوو الحصة اللى ما فهش الزبدة هي الاولة ومن بعدها الاخرى اللى
فيها زبدة بحيت غادي يصبح عندنا عجين مطوي على 3
كنطقو العجين في تجاه وحد وهدا ضروري وما تخفوش
راه زبدة ما غديش تخرج ليكم
ونطووها على 4
وكنطلقوها مرة اخرى وكنطووها على 3
وها هي واجدة
كنعملها في بلاستيك وندخلها لتلاجة لمدة نص ساعة ومن بعد نحضرو بيها
كرواصون بتي بان او شنيك لكم اختيار
وعند استعمال ما نطلقوش العجين بزاف ضروري تبقا غليضة شوية
للكرواصون
نقطعو عجين ونقطعها على شكل مستطيل صغير
ونلفها لافة وحدة على نفسها كما هو واضح
واللى بغتو الشنيك كنطلقو العجين وندهنوها باش ما بغينا
انا ستعملت هنا
كريم باتسير +شكلاط
وكاستعمال اخر
ممكن تعملو مربي +زبيب او عقدة اللوز
وكيجي غزال
انا شخصيا كنفضل اختيار الاول كيجي هائل
ونلف العجين فحال هاكا
وندخلها للمجمد حتى تقصح ونقطعها كما في صورة ونعملو الكل فى لاطة
الفرن وندهنهم بالبيضة مخفوقة+فاني ونخلوها حتى تخمر
ومن بعد ما تخمر كندهنوها مرة اخرى ونرشها باش
ما بغينا كتزين وندخلها طيب في فرن مسخن
من قبل على نار متوسطة
بالصحة وراحة
السلام عليكم أنا ختي جربتهوم طلعو غزالين الله إعطيك الصحة أو العافية
وعليكم السلام بالصحة
تبرك الله على لحداك شهواتكوم ره واااااااو
الله يبارك فيك
تبارك اللّٰه عليك طريقة ممتازة اللّٰه يعطيك الصحة
الاه يبرك
وخليك
waw kaychahi
Tbarkalah 3lik akhti ontmana tasda9li merci bcp
تبارك الله دارتهوم اليوم و خا الزبدة كتخروج معرفتش علاش ليوم صاوبت العجينة غدا انشاء الله نطيبها او نرد عليك شكرا
غير سدها مزيان رها ماغديش تخرج
بالتوفيق ان شاء الله
ana b3da ma3mmar sd9at liya dima zabda katsi7 manha mli kandalkha maraftch achnahwa sabab olah ila nirvatni han nhar 3awtani wa9ila 7it skhoun l7al
Smhi li akhti nsa9sik wach hAd l3ajin hdarti biha had lmrwasa li fi soura dik tania li mdardar 3liha skar glasi li mli taiba m9at3aha o fiha rir chokolat lwasat makrahtch twarini tari9a dialha wa chokran
قطعي العجين كرصات صغار و كل كرصة كرصيها على الطول وديري الشكلاط وبداي تلوي عليه العجين
Tbarkalah 3lik akhti lah i3ik saha 3jbatni incha alah n3malha