طريقة عمل شنيك بالزبيب

لعاشقات الشنيك اللذيذ ، اليوم جاراتي أقدم لكم وصفة وطريقة عمل شنيك بالزبيب سهلة ولذيذة ومنظرها تايشهي وطبعا كما أقوم دائما فشنيك أو أي وصفة منزلية دائما أفضل لك من اشترائها

شنيك بالزبيب

الوصفة مشاركة من مدونة Moutfou ،

المقادير :

نصف كيلو دقيق
100 غرام سكر سنيدة
بيضة
3 ملاعق كبار حليب بودرة
قبصة ملح
كاس زيت
كريم پاتسيير
زبيب

خليط التخمير:

كاس ماء دافئ + 2 ملاعق كبار خميرة عادية + ملعقة صغيرة سكر + 4 ملاعق كبار دقيق

طريقة عمل شنيك بالزبيب :

نوجدو خليط التخمير، نذوبو الخميرة في الماء، نضيفو ليهم السكر،

الدقيق و نخلطو الخليط مزيان، نغطيوه و نخليوه يخمر حتا يتضاعف حجمه

لتحضير العجين، نخلطو الدقيق مع الحليب بودرة،

و نضيفو البيضة، الزيت، السكر، الملح ثم خليط التخمير اللي حضرنا

و نجمعو العجينة و نضيفو الماء إلا ماتجمعاتش لينا،

و ندلكوها مزيان فوق مائدة العمل مرشوشة بالدقيق حتا نحصلو علا عجينة رطبة و متجانسة و ماتلصقش في اليدين،

نجمعوها علا شكل كرة، نغطيوها و نخليوها تخمر حتى يتضاعف حجمها

ناخدو العجينة و نقسموها علا 2، كل وحدة نسرحوها في مائدة العمل مرشوشة بالدقيق،

ندهنوهم بالكريم پاتسيير و و نرشوهم بالزبيب، نلويوهم على شكل رولي،

و نقطعوهم دوائر متساوية واخا مايجيوش مقادين ماشي مشكل،

نستفوهم فلاطة مدهونة بالزيت و نخليوهم يخمرو 10 دقائق،

ندهنوهم بالبيض و ندخلوهم للفران يطيبو اللي نكونو مسخنينو من قبل، حتا يتحمرو،

نخرجو شنيك بالزبيب ديالنا و ندهنوهم بالمربى إلا بغينا

بالصحة والعافية جاراتي

ترك تعليق