طريقة عمل الشباكية في الفرن رائعة

وصفة رائعة لطريقة تحضير الشباكية في الفرن ، تاتجي بنينة وصحية واللي ذاقها مكيعرهش أنها طيبة غي في الفرن مشي مقلية.

شخصيا أنصح بها خصوصا للناس اللي ماتيبفيوش القلي ، وهاد الشباكية في الفرن سهلة والمقادير واضحة وان شاء الله تنال اعجابكن جاراتي

الشباكية في الفرن

وصفة الشباكية بدون قلي منقولة من الأخت وفية أم عمارة جزاها الله خيرا

هاد الشباكية في الفرن كتبغي المقادير بزايد باش تجي هشيشة

مقادير الشباكية في الفرن

500 غرام دقيق
زلافة متوسطة زنجلان مكلي شويا ومطحون. ( يمكن تعملي حتى اللوز مطحون )
كاس شاي خليط زبدة وزيت.
2 معالق كبار خليط النافع وحبة حلاوة.
2 معالق كبار خل. نصف معلقة صغيرة خميرة معجونة. معلقة صغيرة خرقوم بلدي مطحون .
1 بيضة. 2 خميرة الحلوى.
ماء الزهر للعجين.

طريقة عمل الشباكية في الفرن

خلطي جميع المقادير وجمعيها بالزهر

خلي العجينة مرخوفة

دلكيها مزيان

من بعد ما ترتاح طلقيها وشبكيها بحال العادة غير خليها غليضة شويا مع الطياب كتجي هي هاديك

ستفيها فطاوة مدهونة وطيبيها بحال اي حلوة وما تخليهاش تتلون

مباشرة من الفرن رميها فالعسل قطريها ورشي الزنجلان

اليوم الاول كتكون مكرملة وفالغد كتصبح هشيشة وغزالة

ولي كلاها كتعجبو وما كيعرفش انها طايبة فالفران

كانت هذه طريقة عمل شباكية فالفران

بالصحة والعافية

6 تعليقات

اترك رد

Do NOT follow this link or you will be banned from the site!