طريقة صنع واستعمال الغاسول الطبيعي للشعر بالصور

سلام الله عليكم جاراتي ، نزولا عند الطلبات سأقدم لكن طريقة صنع الغاسول في البيت وبرنامج رائع للعناية بالشعر، برنامج منقول من الأخت ” عفاف الروح ” جزاها الله خيرا 

احصلي على شعر طويل وقوي وبدون تساقط وريحة رائعة باستعمال الغاسول الطبيعي 

مرحبا بيكم قررت نوريكم كيفاش كنهتم بشعري من الالف الياء غادة نحط البرنامج الي متبعاه والا يصلاح لجميع انواع الشعر وخاصة الشعر الدهني بحال شعري انا دهني والكل كيعرف المشاكل ديال هاد النوع من الشعر ولهدا انا كنتبع طريقة خاصة فالاهتمام بيه والحمدلله انا شفت النتيجة

من بين النتائج ديال هدا البرنامج الي كنستعملو انك كتحصلي على شعر قوي وكثيف ومكيتساقطش وكيطول فمدة وجيزة والكل كيلحظ الفرق من بعد الاستعمال ديالو بالاضافة لرائحة الجميلة الي كتبقى فالشعر

غادي نبداو باول حاجة هي غاسول الدار المسقي بالاعشاب والكل كيعرف الفوائد

وهدي طريقتي انا غادي نشرحها بالصور انا خديتها من خالتي الي ماشاء الله شعرها رغم تقدمها فالسن مزال كيلفت الانظار طول وقوة ونوعمة وهي مكتستغناش عليه ونصحتني بيه وفعلا ممتاز للشعر ومكيطلبش بزاف

المكونات

نحتاجو ليه كيلو غاسول غادي تعرفوه من الصور لانو فيه انواع كتمشي عند العطار

وتختاري نوع راه كيكون ميدم بحال الشكلاط

ممكن تلقيه فكيس اخضر بحال الي كنستعمل ولكن طلبي منو يفتح ليك الكيس

ماشي غير تاخديه باش تاكدي من شكلو

الاعشاب من 2 دراهم حتى 5 دراهم الا بغيت ترتاحي وتصاوبيهم مرة وحدة تاخدي منهم الاقياس الي تحتاجيه فكيلو غاسول ومن بعد احتفضي بالباقي فعلبة حتى تبغي توجديه مرة اخرة
2 دراهم خزامى
2 دراهم قرنفل
2دراهم سنبل
2 دراهم ورد
2 دراهم ريحان
تم باش نخلطوه ماء غليان

طريقة التحضير

كنطحنوهم ونغربلوهم ونديرهم فشي علبة بلاستيكية او حتى كيس بلاستيكي

ندوزو الغاسول اما تحكوه فحكاكة ولكن تكون حديد او تكرطوه غير بالموس ولكن يكون رقيق كيف الصور

ومن بعد تستفوه فلاطات وتحطوه فالشمس فالصباح والعشية تحيدوه

دابا باش نسقيوه تاخدي كقصرية او بانيو يكون كبير وتوضعي فيه الغاسول وكتضيفي عليه 3 معالق كبار من من الاعشاب الي طحنتي والقرنفل الا كنتي اخديتي 2 دراهم عمليها كاملة رشي ديك الاعشاب على على الغاسول

وتكوني طيبتي مقراش ديال الماء مزيان قبل ماتبدي انا عبرت كمية ديال الماء الي تحتاجوها فكيلو ديال الماء غير باش نسهل عليكم تحصلو على نفس النتيجة تنحتاجو ل13 كاس ديال العنبة ديال الماء طايب ولكن مضيفوهاش كاملة ضيفو شوية بشوية مع الخدمة باليد تبقاو تحكوه بيدكم بحال ملي كنعملو شي صابلي من الغاسول ههه للحلوة يعني كتخدمي بيديك حتى كتحسي بيه بحال الكريم ومبقاتش حتى حصى من الغاسول ونتي كضيفي الماء حتى تسالي الكمية الي عندك ديال الماء ومن بعد تاخديها وتعمليه فشي لاطة مرة اخرة وتسرحيه فيها ولكن تكون الطبقة رقيقة ماشي غليضة باش داغي يوجد غادي تحتاجي كثر من لاطة

ولكن ملي تيبس كيقلال هد المعلومة غير باش ملي طلعي السطاح وخليه فالشمس والعشية حيده من السمرة او خليهو غطيه بشي حاجة حتى الصباح لانو كيحتاج حتى اربع ايام يعني متبقايش طالعة نازلة متقلة بيه خليه فشي بليصة مغطية من السمرة او انتي غطي بشي حاجة حتى الصباح وعرضيه تاني للشمس حتى كيولي لونو بيض بحال الا غادة تشري ديال الزنقة الصور غادي توضح كثر

 

طريقة الاستعمال : البرنامج ديالي

طريقة الاستعمال كيفاش تستعملوه فالدار او الحمام

اول حاجة انا كنصيبو فدار كناخد شي علبة اما كان فيها شي كريم او اي علبة بلستيكية تكون خاوية وندير فيها القياس الي بغيت ديال الغاسول

وكندير ماء يكون غليان ونصبو على الغاسول ولكن غير يتغطى على الحد ديال الغاسول ونسد عليه ونخليه شي 5 دقايق

وعاد نرجع نحركو بيدي تيولي بحال الكريم وريحة طالعة منو ماشاء الله انا كنبيتو فشعري لاني مزال ممزوجاش ( ايوة الي قرات تدعي معايا بالزوج الصالح ) شكرا مسبقا على الدعوة ههههههههه

نرجعو لموضوعنا كنفزك راسي بواحد الماء ديال الاعشاب من الفوائد ديالو حتى هو كيقوي ويمنع التساقط وعاد يطول الشعر كنصيبو ديما غادي نزلو الي بغيتوه المهم كنفزك راسي بيه ونطلي راسي بالغاسول وندير زيف ونخليه فشعري حتى الصباح وكنمشي الحمام غير نحك ونغسل شعري ومن بعد من نغسل بشامبون كنزيد شوية ديال الغاسول فالاخر باش كتبقى ديك الريحة فشعري اما بالنسبة الي مزوجين او ميقدوش يباتو بيه

ملي تمشي الحمام ديه معاك صبي عليه القياس الي يغطيه ديال الماء سخون وخليه شوية على مايرطاب وكبي الماء على شعرك وطليه ليه وجمعي شعرك وحكي ملي تسالي غسليه مزيان وديري شامبون وجربي دهنيه بشوية منو فالاخر واشوفي غادي تبقى ليك الريحة رائعة

5 13 PT15M PT50M
منوعات جاراتي

13 تعليق

اترك رد

Do NOT follow this link or you will be banned from the site!