عندي ليكم طريقة جديدة لتحضير المسمن بشكل بيتزا كيجي
هائل شكلا و طعما وسهل في التحضير
ما كيخدش وقت كثير في الانجاز
مقادير العجين
زلافة دقيق الفورص نصف زلافة دقيق سبيسيال
واحد دانون طبيعي
2 معالق كبار زبت الزيتون
معلقة صغيرة خميرة معجونة
خمارة حمرا
ملعقة كبيرة زعتر محكوك
ملح ماء دافىء العجن
مقادير الحشوة
صلصة طماطم
كاشير محكوك
بيض مسلوق محكوك
فرماج محكوك زيتون مقطع دوائر
طريقة تحضير المسمن بشكل بيتزا
في اناء كنديروا الدقيق + الزيت + الخميرة + الخمارة + الملح
الزعتر محكوك + دانون ، كنبداو نضيفوا الماء شوية بشوية حتى
تجمع لينا العجينة ندلكوها مزيان بحال العجينة العادية ديال المسمن
نذهنوا ايدينا بالزيت ونديروا كويرات ، نخليوهم حتى يترخفوا
ثم نسرحوهم مزيان ونرشوا بشوية الزيت ونطويوهم على اربعة
من بعد كنضغطوا على المسمنة شوية ، كنديروا فوقها صلصة
الطماطم والكاشير والبيض والزيتون واخيرا الفروماج ،
وانتم لكم الاختيار في الحشوة
كندخلوهم الفران يطيبوا وهذا هو شكلهم النهائي
بالصحة والراحة
Tbarekalah 3lil kolchi 3andak zwine omadbout ozwin okayseda9 dima zidina mane hadchi chokran bezafff
السلام و عليكم شكرا على الوصفة
Tbarkalah 3lik 3la had l fikra labsaitaou kanchkrouk li anaki mabkgaltich 3lina bi had lfikra
tbarkallh 3lekoum rah hadchi ghzal jarabtou madmounn
Salam chono hiya khmira lfawriya
وعليك السلام اختي ايمان خميرة فورية هي خميرة حبوب
سلام عليكم رمضان كريم وكل عام وانتم بخير والله يعطك صحة
tbarklah 3likom osafi hadchi kolo zwiiiin majrbtouch mais bayn ghir mn choufa
salam hadchi zwina lah i3tik saha
tbarkalah aalikom hadchi zwin kaychahe
chokran bzf katfidona wlh
Ahbibti mana thin lispisyal ????
yari9a zwina chikran lik
السلام عليكم جربتو البارح كان هائل وعجب الكل وتنفكر نغير الحشوة من مالح الى حلو تكون ازوينة حتى هيا