قائمة المحتويات
جبت لكم اليوم طريقة تحضير معقودة صحية في الفرن
ساهلة و لذيذة بزاف جربيها سيدتي راها
ماش بحال لي مقلية في الزيت
مقادير معقودة صحية في الفرن
بطاطة مقشرة مبخرة او مسلوقة
ضرس صغير ثوم
ربيع مشلض
فرماج احمر محكوك
موزريلا محكوكة
ملعقة صغيرة كامون
راس ملعقة صغيرة ابزار
ملح
ملعقة صغيرة زبدة
بيضة
رشة ملون
طريقة تحضير معقودة صحية في الفرن
بعد متبخر البطاطة كنقيوها و نحكوها فالحكاكة
و كنحكو ايضا الفرماج الاحمر و الموزريلا
و نديرو الكل فإناء
و كنضيفو ضرس صغير من الثوم المدقوق
و الملح و الكامون و الابزار و الزعفران الملون و الزبدة و الربيع
و نخلطو كل المكونات حتى تتمازج باطراف الاصابع
و نبداو نديرو كويرات متساوية الحجم و نڭرصوها
فكف اليد المبلل بالماء مضيفيش ملعقة الزيت
لان المعقودة فيها الزبدة و الفرماج و البيض غيتحمرو
بوحدهم بدون زيت طبعا للي غديرها فمقلات عادية
متكثرش الزيت باش ميضيعش طعم الفرماج
أناعملتها فمول
ودخلت للفرن وجات لذيذة ونشف من زيت
و نخليوها تتحمر
بالصحة و الراحة
انا كنشكرك بزاف على هاد الوصفات الصحية مكرهتشي وصفة الدجاج المقرمش كنتاكي
الله يعطيكم الصحة شهوات كتشهي
السلام وعليكم جارتي الله يعطيك الصحة علي المعقودة أنا مقيمة فأمريكا كولش كاين فيها إلا المعقودة كنت كنتوحم عليها أملقيتهاش الصراحة حشمت نطلبها من المغربيات صحاباتي إطيبوها لي أبقات في ملي مكلتهاش غدا إنشاء الله نصاوبها ونرض عليكم الخبار شكراً تسلم الأيادي
جربت المعقودة في الفرن ولقيت ها لذيذة وعجبات وليداتي الله يعطيك الصحة
ghir diriha ta tji bnina
rane bghet nderha jawbeni
chhal d lbtata zwena