طريقة تحضير كيك بوبس بالصور لذيذة وجد سهلة

السلام عليكم جاراتي الحبيبات ان شاء الله تكونو بخير
وعلى خير هاد المرة جيت نشارك معاكم وصفة جد رائعة
من عند الاخت كريمة لي هي كيك بوبس هي وصفة اقتصادية
بامتياز والمكون الاساسي ديالها البقايا ديال الكيك كتجي رائعة
جدا والمذاق ديالها اروع وتجنبي حتى وليداتك من الحلويات ديال
الزنقة لان هادي غتكون احسن ان شاء الله ونقية بلا منطول عليكم
نتوكلو على الله ونبداو بسم الله

كيك بوبس

المقادير :

300 غرام كيك
100 غرام شكلاط
100 براليني لوز او بندق الا مكانش ناخد
100 غرام لوز محمر ومطحون
100 غرام حلوة الترك اختياري
100 غرام نيستلي ابيض او كراميل
للتزيين :
شكلاط اسود دايب
كوك
ملونات غذائية
شكلاط ابيض
اعواد بلاستيك اولا خشب بحال المصاصات

طريقة تحضير كيك بوبس :

هاد النوع من الحلويات عندا طرق كثيرة وكل واحد
والطريقة ديالو كيفاش كيحضرها وهاد الطريقة هي
كيفاش كتوجدها الاخت كريمة وماشي بالضرورة
نتقيدو بهاد المكونات لي عندنا المهم والاساسي
فيها الكيك والشكلاط والعبار لي محطوط هو مجرد
تقديري ممكن انك تزيدي فيها على حساب الكمية
لي باغا توجدي وبالنسبة لبراليني وحلوة الترك زدتهم
لانهم كيضيفو مذاق رائع وممكن الا متوفروش عندك
ماشي مشكل تستغناي عليهم ودابا ندوزو لمرحلة التحضير
اول حاجة ناخدو الكيك لي يا إما كيكون واجد عندك من قبل
وشاط اولا حتى داكشي لي كيشيط من الجينواز نحتفظو
بيه لبحال هادشي

ناخدوه ونفتوه

ونزيدو عليه الشكلاط لي ذوبناه فحمام مريم
ونيستلي طايب انا ختاريت ندير ديال كراميل
وحلوة الترك والبراليني ممكن تستغناي عليهم
وتعوضيه باللوز محمر ومطحون

ونخلطو هاد المكونات حتى يولي عندنا
بحال العجين متماسك ومتجانس

ونديرو كويرات منها متوسطة الحجم

ونلصق فيه العود

من بعد منكونو ديوبنا الشكلاط فحمام
مريم ونديرو راس ديال العود فيه

وندخلو الكيك ديالنا للثلاجة باش العود يشد
راسو مزيان

ومن بعد نديرو كل كرة فشكلاط اسود دايب

ومن الاحسن تكون عندنا شي قطعة ديال
الفلين ونبداو نلصقو فيها كل وحدة

وناخدو الكوك لي عندنا نجيبو الملونات الغذائية
ونلونو بيهم الكوك انا ختاريت الاخضر والبرتقالي

 جزء نزينوه بالكوك من الفوق كل لون لوحده

وجزء اخر نزينوه بالشكلاط الابيض على شكل
خطوط او لوز مهرمش وكتبقى الرغبة ديال كل
شخص فالتزيين كيفاش كيحبها وندخلوها للثلاجة
حتى تبرد مزيان ونقدمو كيك بوبس بالصحة والراحة

وبكل حب لحبابنا نتمنى تنال اعجابكم ونالو
نصيب من صالح دعائكم ولاعز الناس بالشفاء العاجل

ولصاحبة الوصفة جزاها الله عنا كل خير
و وفق الله سعيها في امان الله

المصدر : صفحة الفايسبوك كدها بالفعل

5 5 PT15M PT50M
وصفات الكيك

5 تعليقات

ترك تعليق