طريقة تحضير غولي بالسبانخ

السلام عليكم جاراتي العزيزات، اليوم كنقتارح عليكم وصفة سهلة وبمكونات بسيطة وهي عبارة عن غولي بالسبانخ ، وصفة سهلة التحضير ولذيذة لمائدة الإفطار في رمضان المبارك

طريقة تحضير غولي بالسبانخ

المقادير

مكونات الحشوة
بصلة كبيرة مقطعة طراف صغار
فلفلة خضراء وحمراء مقطعة طراف صغار
كمية من السبانخ
شوية الفرماج محكوك
شوية الفرماج طرانش
توابل ( الملحة .الابزار.الخرقوم بلدي .الزيت البلدية شوية تحميرة حارة ؛ )
شوية صوص بيتزا

مكونات العجين
5 كيسان دقيق
2 معالق كبار خميرة العجين
2 معالق كبار سكر
2 معالق كبار حليب بودرة
شوية الملحة
نص كاس زيت
2 كيسان ماء دافي
للدهن : بيضة ومعلقة صغيرة تحميرة

طريقة تحضير غولي بالسبانخ

تحضير الحشو
كنشحرو البصلة والفلفلة فشوية الزيت البلدية مع العطرية

ملي طيب الخضرة نزيدو السبانخ مقطعة طراف كبار ونخليوه يبرد .

تحضير العجين
كناخدو 2 كيسان دقيق مع السكر والحليب بودرة والماء والخميرة كنخلطوهم مزيان ونخليه إرتاح 10 دقائق
ملي يرتاح نزيدو 3 كيسان دقيق والزيت وشوية الملحة نجمعو العجينة ونخلوها تخمر .

نقسم العجينة على 2 نسروحها على شكل مستطيل متكونش رقيقة

نديرو شوية صوص بيتزا ونديرو الفرماج

و الحشوة ونجمعوها على شكل رولي

ونقطعوها من الأحسن نقطعوها بالخيط

نخليوها ترتاح شوية

ندهنو الفطاير وندخلهم الفرن حتى يتحمرو وبالصحة والراحة

اترك رد