طريقة تحضير غراتان البطاطا و البيشاميل سهلة و مصورة

السلام عليكم جاراتي العزازات لاباس عليكم ؟
جربت غراتان البطاطا و البيشاميل ساهل بزاف و المذاق ديالو
رائع وقلت نشاركو معكم فعلا خاصكم تجربوه

غراتان البطاطا و البيشاميل

نبداو بسم الله

مقادير غراتان البطاطا و البيشاميل :

 كيلو بطاطا
2 بصلات مشلضين
2 فصوص ثوم
500 غرام كفتة 
200 مليلتر قشدة طرية
2 فرماجات مثلث
3 بيضات
كاس صغير حليب
زيت الزيتون
موطارد
نصف راس معلقة صغيرة سمن 
صلصة الصوجا
صلصة البيشاميل 
معلقة تحميرة
معلقة سكينجبير
نصف معلقة ابزار
معلقة كامون
شوية الخرقوم
ملح
شوية المعدنوس
الهريسة
فرماج احمر محكوك

طريقة تحضير غراتان البطاطا و البيشاميل :

 كنقطع البطاطا نسلقها مع شوية الملح وزيت الزيتون
ملي تسلق نصفيوها من الماء
فنفس الوقت درت فوق البوطة على نار مهيلة الحليب
الفرماج و الموطارد مع القشدة الطرية السمن  ملح و ابزار و الجوزة
وزدت عليهم البطاطا بعد ما صفيتها و بديت كنخلط الخليط حتى يولي خاتر و متجانس
 و درت فمقلة البصلة و الربيع و التوابل ديالي مع الصوجا
و الثومة و الهريسة و خليتهم يتشحرو فزيت الزيتون 
ملي ترخات البصلة وطللقات الما ديالها درت الكقتة 
طفيت البوطة على الكفتة و بديت كنحضر البشاميل
م الزبدة-2 م الدقيق-كاس كبير حليب-شوية الجوزة-ملح-ابزار-جبن)
كندوب الزبدة و كنزيد الدقيق كنخلي كلشي يطيب عاد نزيد الحليب و
الجبن و الملح الابزار الجوزة ملي يعقاد نطفي البوطة و نخليه يبرد
سلقت البيض و قطعتو الى نصفين
جبت المول ديالي و بديت بطبقة ديال البشاميل 
قسمت البطاطا على جوج و حطيت طبقة ديال البطاطا الاولى 
وطبقة ديال الحشوة ديال الكفتة ومن الفوق البشاميل
و البيض 
اخيرا زدت طبقة ديال البطاطا الثانية و البشاميل من الفوق 
درت فوقها الفرماج محكوك دخلتها الفران حتى تحمر
وهاهوا غراتان البطاطا و البيشاميل واجد بالصحة و العافية

13 تعليق

اترك رد

Do NOT follow this link or you will be banned from the site!