طريقة تحضير شنيك بالخميرة البلدية

اليوم جبت ليكم طريقة تحضير شنيك بالخميرة البلدية

بنينة ومحمضة كتجي مقرمشة جربيها

سيدتي رها غدي تعجبك 

طريقة تحضير شنيك بالخميرة البلدية

مقادير شنيك بالخميرة البلدية 

250g خميرة بلدية 

http://www.jaratii.com/recipe/7088

275g دقيق 
ملعقة صغيرة ديال الملح
100gسنيدة
225gزبدة
نص كاس ماء
حليب اتجمعيها بيه غالبا تتحتاجي لنص كاس تل كاس لان على حسب نوع الدقيق
معلقة صغيرة النشا ديال بطاطة حرش ممكن تعوضيه بالنشا ديال الدرة مايزينا
شوية الزبيب
كريم باتيسيير
شوية الكونفيتير دهنيه بيها من تخرجيها من الفران ممكن ديري العسل

طريقة تحضير شنيك بالخميرة البلدية

بالنسبة للكريم باتيسيير انا تنوجدها بهاد الطريقة
3صفر البيض و 8معالق سنيدة 8معالق مايزينا ونص لتر حليب
كنطرب كلشي ونشعل عليهم عافيا مهيلة دون التوقف على التطراب تا تبدا غير شوية تتقال ونطفي عليها ونستمر في التطراب شوية
وهاهي واجدا

كنخلطو المكونات ديالنا
والزبدة خدي منها 125g

كنجمعو العجينة وندلكوها مزيان
مزيان مزياااان

وباش تعرفيها انها دلكات هي او اي عجينة انك تولي تهزي طرف منها وتجبديه بلا ما يتقطع ليك لدرجت انها يبان لك لخيال ديال صباعك من تحتها بلا ما تتقطع بحال هكدا

فيها تامارا نييييت ولكن النتيجة تتكون راااااائعة و رحم الله عبدا عمل

عملا فاتقنه وهنا ملي دلكتها

خليها ترتاح واحد ربع ساعة وارتاحي تانتي وشربي ليك شي كاس

ديال العصير حيدي عليك السخفة هههههههه

ومن بعد سرحيها بالمدلك مستطيلة

وسرحي الزبدة ديالك الي بقات الي من الافضل تكوني دايراها في التلاجة

تم سرحيها على التلتين ديال العجينة وطويها طوية ديال 3

طريقة العجينة المورقة

http://www.jaratii.com/recipe/4009

ودخليها للتلاجة واحد 2 ساعات

من بعد خرجيها وسرحيها تاني وديري طوية ديال 4

رجعيها للتلاجة 20mn

وتاني طوية ديال 4 ورجعيها للتلاجة 20mn

صافي وسرحيها مستطيل ممكن تخليه عريض الى بغيتيها تجيك كبيرة

انا تنفضل كلشي صغير

ومن الافضل تبقا شوية العجينة غليظة مترقيهاش بزااااف

دهنيها بالكريم باتيسيير والزبيب وروليها بحيت انك تخليها شوية مرخوفة

ودخليها للمجمد 45mn

وملي تخرجيها قطعيها وخليها تخمر على الاقل 3ساعات

بالصحة والراحة

7 تعليقات

اترك رد

Do NOT follow this link or you will be banned from the site!