السلام عليكم نزولا عند طلب الاخت سكينة وصفة الرغايف
جبت ليكم جاراتي طريقة تحضير رغايف بالعسل واللوز بالصور
كيجيو مورقين ومقرمشين جربوهم راه غادي اعجبوكم
مقادير رغايف بالعسل واللوز
كيلو دقيق
شوية ملح
250g زبدة لذة
3 معالق كبار خل
نصف لتر حليب دافئ
مايزينا للرش
طريقة تحضير طريقة تحضير رغايف بالعسل واللوز بالصور
يرمل العجين جيدا مع الزبدة تكون لينة
كتزيدي الخل وكاتبداي تجمعي الخليط بالحليب
لكن بلا مادلكي جمعيها بحال الحرشة
وكاتديري منها 8 الكويرات متقادين
رشي سطح العمل من قبل الدقيق باش ماتلصقش
وتبداي تهزي بالوحدة وتسرحيها بالدلاك
وديريها رقيقة
ورشي عليها مايزينة بزاف
وبداي تلوي بحال رولي
من غير ان تخلي الخوا بين اللوية واللوية
جيبي موس وبداي تقطعي
تقلى في زيت ساخن على نار مهيلة اكد على ان النار
يجب ان تكون مهيلة وبقاي ديري لحبة في المقلة
وتخوي عليها الزيت بالملعقة باش تنفخو
تسقى بالعسل و ترش باللوز و تقدم
بالصحة و الراحة
ou li ma3ando mayzina achno idir
ديري سميدة رقيقة ولكن مايزينا احسن
salam ojeti ,rah mayzineya kateba3 fe jame3 leasawa9e jososan 3and ly taybi3o lehajate de lehalawiyat mayzinia hiya necha we raha daroriya 3and kol mera fi darha
ana dertha walakin matal3atch chnou hwa sabab
lah ya3téééék saha akhti 3la had lwasffa sarah zwiiina wa bniiina bzzzf sab9li day9aha t9addi twajdiha l3aila ohta ldofouf
سلم شكر بزف عل رغايف باعسل شكر جو كيحمقو
salam wa3lik wasafat dyalik 3ijboni bizaf ojaribtom o nijholi walakin brit makani3rafch 3ajina mowara9 o makadinjahlichi wach khisa zibda dyala wila awla ayi zibda o 5isik dwirina wasfa dyal chibakiya chokran bizaf had maw9i3 dyalik 3jibni bizaf ollah yi3tik sa7a wisilim yidik ana madinat tetouan
Salam jarati ah hta ana mjarbahem walakin bghit n3raf wach ib9awo meda twila 10jr éla 15jr
لا ياختي ما يمكنش يبقاو كل هاد المدة
جربتهم تبارك الله عليك اختي . جاو فنييييين انصحكم بالتجربة مع احترام الوصفة و الطريقة بدقة
شكرا على هده وصفة جميلة ولله غير جوني هايليين
بالصحة و الراحة
ja ghzal db njarbo wnrad lkhbar
بالتوفيق ان شاء الله