طريقة تحضير حرشة معمرة بالكفتة و الخضر بالصور

السلام عليكم و رحمة الله و بركاته اليك سيدتي طريقة تحضير

حرشة معمرة بالكفتة و الخضر بالصور كتجي بنينة و رائعة 

حرشة معمرة بالكفتة

مقادير الحشوة

شوية الكفتة
بصلة صغيرة مقطعة مشلضة
معدنوس مقطع
فلفة حمراء و خضراء مقطعة قطع صغيرة
زيتون مقطع
خيزو(جزر)محكوك
مرتديلا أو كاشير مقطع
بيضة
(هاد لمقادير تتبقا إختيارية يمكن ديريها بطون أو دجاج أو لحم أو غير بالخضرة بحدها)
زيت بلدية

عطرية :
+ملح +فلفلة حمراء +إبزار

زعتر محكوك
ورقة سيدنا موسى

طريقة تحضير الحشوة

كنشحرو هاد مقادير كلها مع العطرية مزيان حتى تنشف و نحاولو

نفتتو لكفتة وفي الاخير نزيدو البيضة باش تجمع الحشوة

(ممكن نستغناو عليها تبقى حسب الرغبة ) ثم نخليوها تبرد

مقادير عجين الحرشة

نصف كيلو سميدة رقيقة نحيدو منها كميشة صغيرة
شوية ملح
شوية سنيدة
ملعقة كبيرة حليب بودرة
خميرة الحلوى
شوية الزعتر محكوك
نصف كاس زيت
حليب باش نجمعوها (تقريبا نص لتر قل كاس عنبة )

طريقة تحضير العجين

أولا كنخلطو المواد الجافة و من بعد نضيفو الزيت و نبسبسوها مزيان

عاد نضيفو الحليب ونبداو نجمعوها شوية بشوية و نخليوها

تشرب الحليب بما وجدنا المول لي غادي ندهنوه

بالزبدة و نرشوه بالسميدة ليخلينا

طريقة تشكيل الحرشة معمرة بالكفتة بالصور

كنقسمو العجين على جوج ،نسرحو القسم الاول فوق طاولة

مرشوشة بالسميدة ونفرشوه فوق المول ونقدوه مزيان بيدينا

و نضيفو فوق منو الحشوة

من بعد نسرحو القسم الثاني و نديروه فوق الحشوة ونقادوه

شوية بيدينا من الجناب

من بعد كنزوقوها كيف ما واضح في الصورة أو نخليوها عادي

ندخلو الحرشة للفرن تقريبا شي 25 دقيقة أو على

حسب الفرن ديالكم حتى طيب وتحمر


وهاهي طريقة تحضير حرشة معمرة بالكفتة و الخضر بالصور 

بالصحة و الراحة

3 تعليقات

اترك رد

Do NOT follow this link or you will be banned from the site!