طريقة تحضير بغرير على شكل قليبات لذيذ مرفوق بالصور

السلام عليكم جارتي
كيعجبك البغرير ومليتي من الشكل المعتاد
ديالو الدائري جبت ليك جارتي الطريقة
كيفاش تحضريه بشكل جديد
و رومنسي بغرير على شكل قليبات
غيعجبك ان شاء الله

بغرير على شكل قليبات

نبداو بسم الله 

مقادير بغرير على شكل قليبات :

كاس كبير دقيق فورص
كاس كبير دقيق القمح 
1 خمارة الحلوة 
1بيضة
شوية الملح 
ملعقة كبيرة خميرة عجينة الخبز 
ماء دافئ

طريقة تحضير بغرير على شكل قليبات :

فخلاط كهربائي كنديرو جميع المكونات
ونخليهم يطحنو مزيان ملي تولي عندنا
عجينة متجانسة كنخليوها ترتاح فشي
بلاصة دافية
وملي يخمار نجيبو مقلة ديال البغرير
ونكوبو مغرفة فالقلة نديروها
على شكل دائري
او كنجيبو مقطع على شكل قلب
وتكوبو فيه العجينة ويكون بحال
كيفما كاين فالصورة
وملي يبدا يتقب نحيدو المقطع
و نكملو بحال هاكا حتى نكملو
العجينة ديالنا وهاهوا بغرير على
شكل قليبات واجد
بالصحة و الراحة كنتمنى تجربيه جارتي  

8 تعليقات

اترك رد

Do NOT follow this link or you will be banned from the site!