طريقة تحضير بريوش على شكل حلزون لذيذ جدا

السلام عليكم جاراتي الغزالات ان شاء الله
تكونو على خير هاد المرة كنقدم ليك بريوش
على شكل حلزون لذيذ جدا بالاصافة الى انه
سهل التحضير وهشيش والطريقة مقدمة
بالصور بلامنطول عليكم نبداو
بسم الله ونتوكلو على الله

المقادير :

نصف كيلوغرام طحين
60 غرام زبدة
80 غرام سكر سنيدة
2 معالق كبار سكر سنيدة
300 مليلتر حليب
ملعقة خميرة معجونة
شوية الملح
الكاكاو او قهوة سريعة الذوبان
ملون غذائي احمر
الناباج

طريقة تحضير بريوش على شكل حلزون :

نوجدو العجينة نخلطو الخميرة وسكر سنيدة
ونزيدو عليها شوية الحليب دافي ونخليوهم
والفقصرية نديرو الطحين والزبدة والعسل
ونزيدو السكر والخميرة ونبداو نعجنوهم
بالحليب ونخليو الملح هي الاخيرة وندلكوها
مزيان ونخليوها ترتاح شوية ومن بعد نقسموها
على 3 الاجزاء الاول نخليوه ابيض الثاني نلونوه
بالكاكاو او قهوة سريعة الذويان مذوبينها فشوية
الما والجزء الثالث بملون غذائي احمر ومن بعد
كل وحدة نسرحوها بدلاك ونخليوها رقيقة ونديرو
كل وحدة فوق الثانة ونروليوهم

ونقطعهم

ونستفوهم فطاوة مدهونة بالزيت
ومرشوشة بالطحين بالشكل لي تحبي

وندخلوهم للفران يطيبو ونخرجوهم
ياخدو درجة حرارة المطبخ

ونقدمو بريوش على شكل حلزون
بالصحة والراحة

لضيافكم ولحبابكم كنتمنى يعجبكم
ومتبخلوش على اهلكم بافضل الوصفات
في امان الله
المصدر : شهيوات ندى