طريقة تحضير المسمن والملوي بطريقة هائلة

السلام عليكم ورحمة الله تعالى و بركاته من موقع جاراتي اقدم لكم  المسمن

والملوي قدمتو اخت في احدى المنتديات كيجي هشيش ومفرتك

وساهل في التوراق ونتيجة ناجحة ومتميزة مع السر ديالنا

مسمن وملوي بطريقة هائلة

مقادير العجين 

زلافة الفرص من النوع الممتاز- زلافة دقيق سبيسيال

و الما البارد ماشي دافي اوا هدا سر من اسرار نجاحو

ملح حسب الذوق 

خمارة الحلوى 

طريقة تحضير المسمن والملوي

 نعجنوه عادي ندلكوه ماتكون لعجينة لاقاسحة ولا جارية ونخليوها ترتاح شوية

ومن بعد كنديرو كورات ونستفوها فصينية مدهونة بالزيت او نغطيوها

ببلاستيكة وسيري قضي اشنو عندك وخليها ترتاح

وفهاد اللحضة نوجدو السر ديالنا كناخدو زلافة نديرو فيها كمية من الزبدة

والزيت والسميدة نكتروها شوية وخمارة ديال الحلوة

كنخلطه حتى كيتجانس وزلافة اخرى فيها الزيت

اوا الكويرات راه ارتاحو طلقيهم مزيان دهني شوية ديال داك الخليط

دالزبدة والسميدة والخميرة وربعي عادي وكرصي وبداي طيبي

فمقلة سخونة مرشوشة بالزيت صافي بلا متبقاي

ترشي الزيت غير رميها شوية وقلبيها دغيا

وبداي تدوري فيها فالمقلة باش طيب

من كل الجناب بلا مضغطي عليها

حيت غادي تخصري ليها التوراق

شوفو كيكايتنفخ بحال البطبوط اوا كررو نفس العملية حتى تكملو الكمية

لي عندكوم ندوزو للملوي نفس العجينة قسمتها ودرت الكويرات

كبار على دياول المسمن اوا طلقيهم بالطول

ودهنيها حتى هي بالخليط وكنكرر ماتكتريش وبداي تلوي على الطول

تم على العرض حتى تكملي الكمية لي عندك

هاهما حتى هما ارتاحو كرصي وبداي تطيبي ورشي شوية

دالزيت صافي وبداي تقلبي حيت ديك الزبدة

والزيت لي لداخل كافيين باش يطيبو

اوا بدا تقلبو وتدوروه غير بالحنان حتى يتحمر

مسمن وملوي بطريقة هائلة

اوا هاهما واجدين

57 تعليق

اترك رد

Do NOT follow this link or you will be banned from the site!