طريقة تحضير الطعمية بالحمص كتجي رائعة للكبار و الصغار

السلام عليكم جاراتي العزازات الطعمية بالحمص هي وصفة اليوم
كتجي رائعة فالمذاق ديالها وسهلة التحضير ملازمهاش عناء كبير
و مضمونة النجاح بالاضافة الى كونها جد غنية بالعناصر لي فيها
الحمص و البيض وما الى ذلك من مكونات ويمكن تقديمها
كطبق رئيسي او كمقبلات مرافقة للطبق الرئيسي
كنتمنى تعجبك جارتي وتجربيها

الطعمية بالحمص

نبداو بسم الله 

مقادير الطعمية بالحمص : 

نصف كيلوغرام حمص 
3 البيضات 
قزبر و معدنوس 
الشونية او الهريسة 
كمون 
الكوزة 
الخرقوم او التصفيرة 
الثومة 

طريقة تحضير الطعمية بالحمص :

كنرقدو الحمص فالاول لمدة ثلاث ساعات
و من الاحسن ليلة كاملة قبل التحضير من
بعد كنفسخوه او كنحيدو ليه القشرة ديالو
و كنديروه فخلاط يتطحن مزيان

ومن بعد كنديرو الخليط فزلافة

ونزيدو عليه البيض

و القزبر و النعدنوس مقطعين رقاق

و الشونية و الكمون وشوية الكوزة محكوكة و الخرقوم

و الثومة محكوكة

ونخلطو بايدينا العناصر مزيان حتى كيولي خليط متجانس

ونديرو منهم كويرات صغار

ونديروهم يتقلاو فزيت سخون مزيان

ملي نكملو الكمية كاملة لي عندنا بالطياب نقدوهم
سخان
بالصحة و العافية

لا تنسونا من صالح دعائكم 

5 تعليقات

اترك رد

Do NOT follow this link or you will be banned from the site!