طريقة تحضير السفوف أو سلو بالدقيق ديال القمح

دائما مع وصفات شهر رمضان المبارك، ونزولا عند طلبات الأخوات اللي مازال ماعملو سلّو أقدم لك جارتي بالصور طريقة عمل السفوف أو سلو بالدقيق ديال القمح ( الفينو ) خطوة بخطوة 

السفوف أو سلو بالدقيق ديال القمح

مقادير سلو بالدقيق ديال القمح

2 كيلوغرام من دقيق القمح فينو النوع الممتاز
( نحمرو الدقيق ومغربلوه جيدا )
رابعة ديال زريعة الكتان
رابعة ايلان
رابعة بين حبة حلاوة والنافع
رابعة الصوجا
تقريبا زلافة من كل حاجة ونحمروهم فالفرن او المقلة الثقيلة
كيلو وربع لوز محمر فالفران بقشورو
كيلو زنجلان محمر
م,ك مسكة حرة وحبة كوزة صغيرة راه جاي غير الصهد ههه
م,ك قرفة مطحونة ومغربلة وشوية الملح
لتر ونصف من زيت بلدية
2 كيسان سكركلاصي والعسل لي يحلي لنا

مراحل تحضير السفوف

نقوم بطحن زريعة الكتان جيدا ونتركها جنبا ثم نمر لطحن حبة حلاوة مع النافع ونغربلهم في الغربال

نعيد العملية مرّتين ونفس الأمر بالنسبة لإلاين ونغربلة حتى ثلاث مرّات

بالنسبة للصوجا أفضل طحنها عند العطّار ونغربلها

أنا ضفت للمقادير الجوزة والمسكة الحرة قمت بطحنها مع القليل من السكركلاصي

اللوز نقوم بطحن النصف والنصف الىخر تانهرمشو

والزنجلان هو الآخر نقصت منو 2 زلافات والباقي قمت بطحنه

نأخد بانيو أو إناء كبير اللي يكفى ، نخلّط فيه دقيق الفينو مع جميع المقادير الجافة 

إضافة غلى السكر كلاصي والزنجلان اللي نقصت 

ثم بعد ذلك نقوم باضافة الزيت بالتدريج مع الدلك ونضيف العسل أيضا حتى نوصل للحلاوة التي نريد

عندما يصبح الخليط معلّك هذا يعني بأنه أصبح جاهز

هاهي صورة اخيرة لطريقة تحضير السفوف المغربي، سلو بالدقيق ديال القمح صحي ولذيذ

المصدر : منتدى المغربية

4 تعليقات

اترك رد

Do NOT follow this link or you will be banned from the site!