مقبلات

طبق مقبلات منظر جذاب و مذاق لذيذ 6

السلام عليكم جاراتي لعزازات اليوم جبت ليكم

طبق مقبلات منظر جذاب و مذاق لذيذ لمهم

نبداو ب les canapés مالحين

مقبلات

نبداو من من جنب ليسر خديت خبيزات صغار ديال سندويش وقطعتهم

رقاق ودهنثهم بجبن فيلادلفيا نقدرو نديرو غير لكومير

العادي ودهنوه بأي فرماج

وخديت سمك سلمون درتو ف عويدات هو وزيتون كحل نقدرو

نديرو أي لحم مدخن ولا لانشون رقيق

عطوني هاد شكل

أما شكل لي حداه خديت هاد طرطيلات صغار مالحين صراحة

أنا غير شريتهم كينين موجودين لي كيعرف يصيبهم أحسن

وإلى ما لقيتوهمش يمكن تعوضوا ببسكوي مالح

خديت لصوص بشاميل وخلطها مع طون ودرتها ف جيب الحلواني

وزوقتها بكروفت مشحر ف شوية الملحة والابزار وتوما وزيت البلدية

أما شكل الثالث لي حداه فحتى هو هاد les volovantلي

عمرت غير شريتهم وصراحة رخاص بزاف

صراحة شاط ليا لخليط ديال البشاميل وطون زدت عليك طريف ديال

البربا حكيتها فالحكاكة رقيقة باش تعطيني لون

تقدرو تديرو أي خليط ولا أي ملون

درت لخليط حتى هو فجيب الحلواني وعمرتهم ودرت فوقهم

شوية تحميرة باش تجي مع لون

أما شكل لي حداه خديت كاشير قطعتو بقطاعة عندي ودرت فوقوا

فرماج مقطع وزيتون كحل جاو على هاد شكل

وشكل لي حداه خديت طريفات لي شاطو ليا ديال خبز سندويش

وقطعتهم على جوج ودهنثهم بكتشوب ودرت فوقهم سوريمي مقطع

أما شكل الأخير فخديت طرطيلات صغار عمرتهم بخليط ديال المايونيز

مع درة وسوريمي مقطع ودرت فوقهم بزروك معلب

وخديت واحد البلاتو عندي على شكل مرايا مخصص للمقبلات

وقديت فيه داك شي وجاو بحال هكا يمكن تخدموا بأي

مكونات وأي عمارة كيبقى ليكم لاختيار

بالصحة و الراحة

6 Comments

  1. تبارك الله عليك افكار بسيطة وكتبان راقية تقولي تريتورة برافو

  2. تبارك الله عليك

  3. رائعين اللّٰه يعطيك الصحة

  4. تبارك الله عليكم شهيويات وافكار فالمستوى الله احفضكم

  5. Lb i3tik saha kaychhiw chokran

  6. tbarkallah 3lik l fiikra dyalk zwina , dayra wa7ad la3rada ghadi ndir fiha hadchi simana jaya w nwrik kif ja

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *