طاجين كفتة السردين بالبصل بالصور

السلام عليكم و رحمة الله و بركاته اليك اختي طاجين

كفتة السردين بالبصل بالصور كيجي لذيذ بزاف كتلذ

ديك البصلة و ثومة و ربيع لي كنخلطو معاها

و ندوزو الى المقادير و الطريقة بالتفصيل

طاجين كفتة السردين

مقادير طاجين كفتة السردين بالبصل بالصور

خيزو و بطاطا الا بغيتو دروهم ولا مابغتوش بلاش

فلفلة رومية لتزيين و وحدة مشلضة للنصيب مع البصلة

زيتون و الحامض

ملح -كمون – تحميرة – خركوم – سكنجبير – ورقة الرند 

زيت البلدية ورومية

و الصلصة لي كتحتاوي على مطيشة محكوكة – العطرية –

ربيع – و ثومة و مطيشة الحك 

طريقة تحضير طاجين كفتة السردين بالبصل بالصور

كنديرو زيت البلدية و الرومية اسخنو و نرميو البصلة و الفلفلة

غير شوية ما نشحرهمش بزاف حيت هما لي غادي اهزو لحراق

على الطاجين وغادي يتعلكو مع طياب

نرميو فوقها الصلصة نكونو عاد وجدناها بقيا سخونة

باش دغيا يغلا الطاجين

نرميو خيزو هو الاول لانه كيبغي طياب

عاد لبطاطا

نغطيو طوجين ديالنا و نمشيو نكورو الكفتة

نكوروها كويرات صغار بعد ما خلطناها مع

البصلة و ربيع و العطرية

الخضرة طبخات شوية

نستفو كفتة السردين في الطاجين باش طيب

نزينو بلي بغينا يا فلفلة خضرة ولا مشوية ولا مقلية 

و نزيدو الزيتون و الحامض

و نسدو عليه ونقصو العافية تكون مهيلة و نحضيو معاه

منين يغلا نهزو لغلاقة بممعلقة باش مايفيضش

اهاهو وجد

بالصحة و الراحة

 

2 تعليقان

اترك رد

Do NOT follow this link or you will be banned from the site!