طاجين باللحم والشفلور والبطاطا بالمراحل

السلام عليكن جاراتي العزيزات، وصفة جديدة اقترحها عليك اليوم هي طبق طاجين باللحم والشفلور والبطاطا مقدمة من طرف جارتنا وفاء جزاها الله خيرا على مشاركتها المفيدة ، على أمل أن ينال اعجابك هذا الطاجين جارتي

مقادير طاجين باللحم والشفلور

كيلو لحم بقري
بصلة كبيرة
ربيع مقطع
2 ضروس ثوم
ملح/ ابزار خرقوم /تحميرة
نصف كاس صغير مخلط زيت بلدية ورومية
زيتون اخضر بلا عضم
2 بطاطا
شفلور

الطريقة :

نشلضوا بصلة وكنزيدوا توابل وزيت وثوم محكوك وربيع

ونزيدوا عليهم لحم نخليوه يتلقى مزيان ونزيدوا عليه كاس الماء

ونقصوا نار البوطة ونخليو اللحم يطيب ومرة مرة نطلوا على الطاجين

ونزيدوا الماء من بعد مرور نصف ساعة او اكثر

ملي نحسوا بلي لحم طاب كنزيدوا بطاطا دوائر وشفلور وزيتون اخضر ونزيدوا الماء الا نقص

ونغطيوا الطاجين ومن بعد مرور 20 دقيقة كنطفيوا على طاجين باللحم والشفلور والبطاطا ديالنا

ويتقدم بالصحة والراحة

جارتكم وفاء