صنع خبز التوست في المنزل

  اليوم انشارك معاكم خبز التوست ولا اروع، الا جربتوه متاكدة عمركم تشريوه من الزنقة 😊

المقادير:

440غ دقيق ابيض (دقيق المخبوزات تتكون نسبة البروتين عالية من 10 حتى 13%)
125غ ماء دافئ
170غ حليب دافئ
9غ خميرة فورية
8غ ملح
20غ سكر
40غ زلدة لينة

مول التوست قياس 20×11سم و الارتفاع 10سم و بالغطاء

الطريقة:

نخلطو المكونات الجافة مع بعض ثم نضيفو الماء و الحليب و النعجنو مزيان ثم نضيفو الزبدة شوية بشوية حتى تعجن العجينة و تولي لينة و لكن ماتتلصقش فاليد نخليوها تخمر ثم نقسموها لثلاثة اجزاء متساوية و نحطو الكويرات يرتاحو مدة 15د ثم نطلقو الكرة شوية و نطويو طرف على طرف من بعد نطلقوها بشكل طولي و نلويو العجين و نحطو الكرة فمول التوست نكررو العملية للكراة الاخرى و نخليوهوم يخمرو منين يخمرو نوضعو المول فالفرن مسخن على 180د مدة 35د .
منين نخرجو التوت من الفرن نغطيوه بمنديل و نخليوه حتى يبرد تمااااما عاد نقطعوه. و بالصحة و الراحة

هذه الوصفة هي من kaoutar_corner اضغطي هنا لزيارة حسابها

ترك تعليق