سيكار وبريوات معمرين بالميرنا والصول في الفرن

جديد وصفات جارتنا أم هديل، سيكار وبريوات معمرين بالميرنا بالصور 

ومراحل تحضير السيجار والبريوات خطوة خطوة

كنتمنى يعجبوكوم هاد لبريوات وسيكار معمرين بالمرنا وصول

سيكار وبريوات معمرين بالميرنا

طريقة التحضير والمقادير

كنحك بصلة ونحمرها فشوية تاع زيت والخرقوم وشوية ملح منكثرش ملح

ومنين تشحر وتحمر نحط فيها صول وميرنا قبل فورتهوم وحيدت الشوك ونقيتهوم

ومنين يتقلى داكشي مزيان نزيدو معدنوس والثومة وتحميرة

وكمون لبزار سكنجبير مصير مقطع طريفات صغار وضامة تاع الحوت بنة

وشوية تاع لهريسة وعصير حامض

ونخالي داكشي حتى يندمج مع بعضياتو

ونزيد عليهوم فرماج محكوك وزيتون مقطع طريفات صغار

والشعرية صينية

ومن بعد نحشي سيكار تاعي وبريوات بحال هاد شكل

وندهنهوم بزبدة وطاوة تكون مدهونة قبل بزبدة وندخلهوم الفرن

وهاهوما سيكار وبريوات معمرين بالميرنا والصول واجدين

بالصحة والراحة كنتمنى تجربوهوم

جارتكم أم هديل

[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]الجارة أم هديل[/author]

4 تعليقات

اترك رد

Do NOT follow this link or you will be banned from the site!