سلطة لذيذة ولا اروع حضريها جارتي لاسرتك ولضيوفك

السلام عليكم جارتي جايين عندك ضيفان عزاز
وبغا ديري شي سلطة مرافقة للطبق الرئيسي
كتحمر الوجه هاهيا سلطة لذيذة و الشكل ديالها
جد فخم جربيها فعلا رائعة
نبداو بسم الله

سلطة

مقادير سلطة : 

بطاطس
ملونات غذائية أحمر أصفر أخضر
خيزو مسلوق مقطع مربعات
المقرونية ملونة
الباربا مسلوقة  ومقطعة مربعات
لخيار مربعات
زيت المائدة
الملح
بيض مسلوق
ذرة معلبة
حوت معلب 

طريقة تحضير سلطة :

ناخدو البطاطس و نسلقوها منقية و مقطعة
ونمعسوها مزيان بشوكة وهيا سخونة
ونقسموها على 3 كل جزء نلونوه بلون من
الملون الغذائي خيزو و الباربا سلقناهم و قطعناهم
مربعات صغار ولخيار حتى هوا ونزيدو عليهم الزيت
و الملح وندخلوهم للثلاجة هوما و المقرونية ملونة
من بعد ما سلقناها فالما وشوية الملح ملى طيب
وتاخد حرارة المطبخ نزيدو عليها الحوت و الذرة والبيض
مسلوق مقطع وشوية الزيت
المرحلة الثانية من العملية نجيبو مول كيتفك من
جناب نغلفوه بالبلاستيك الغذائي

ومن بعد نكوبو فوقو الزيت

وندهنوه مزيان نجيبو شوية ديال البطاطس ملونة
ونسرحوه فوق المول

من بعد نجيبو لون اخر

ولون الثالث

ونبقاو هاكا حتى يعمر المول

ونحوطو الوسط خيزو

المقرونية مع البيض و الطون و الذرة

 ومن فوقهم الخيار

ومن بعد الباربا

وملي يعمر المول نجمعو البلاستيك الغذائي

و ندخلوها للثلاجة ملي تبرد مزيان نفوكو البلاستيك
الغذائي ونديروها فطبق التقديم عاد نفوكو المول نحيدوه
و نحيدو  البلاستيك الغدائي وداكشي لي بقا ديال البطاطس
نزوقو بيه الوجه ديال سلطة ببوق او الجيب الحلواني
وبالنسبة جارتي للخضر تقدري ديري الخضرة لي تشهيتي
هاهيا جارتي بالصحة والراحة

ونقدرو نقدموها حتى بهاد الشكل 

8 تعليقات

اترك رد

Do NOT follow this link or you will be banned from the site!