سفنج مشروح بالطريقة والصور

 جاراتي الغاليات السلام عليكم بما انه السفنج
وصفة مغربية رائعة بكل ما في الكلمة من معنى
كبغيو نحضروه وليني مكيصدقش لينا جبت ليكم
الوصفة من عند الاخت كريمة صاحبة صفحة
الفايسبوك كدها بالفعل ولي الوصفات ديالها كاملين
ماشاء الله ناجحين
نتولكو على الله ونبداو بسم الله

سفنج

المقادير :

نصف كيلو فورص
100غرام سكر سنيدة
100 غرام زبدة
20 غرام خميرة الخبز
بيضة
شوية الملح
200 مليلتر حليب
شوية الزعفران

طريقة تحضير البيني :

فقصرية كنديرو الطحين والسنيدة وخميرة
الخبز

والبيضة

ونخلطوه مع بعض والزعفران
نزيدوه على الحليب

ونعجنو بيه مزيان وملي تجمع العجينة وندلكوها


نزيدو فالاخير الزبدة مقطعة وتكون لينة
خارجة من الثلاجة

بشحال وندلكو العجينة حتى دخل الزبدة فيها

فالاخير
عنحصلو على عجينة رطبة وكتلصق ملي نبغيو
نشكلوها نديرو فايدينا الزيت اولا الما ونخليوها
تخمار لمدة ساعة على الاقل

بلما الحجم ديالها ولا مضاعف وعاد نعاودو
نجمعوها ونشكلو كويرات صغار

ونديرو الزيت يسخن على نار مهيلة وملي يسخن
مزيان ناخدو اول كرة عملناها ونتقبوها من الوسط
بالاصبع ديالنا ونجبدوها بايدينا شوية باش توساع

ونديروها تقلى ومنقلبوها حتى تحمر مزيان

وملي نهزوها نخليوها غير تبرد شوية
ونديرو الوجه ديالها فالسكر سنيدة ونقدمو
سفنج سخون مع اتاي

كيجي روعة  نتمنى يعجبكم

ونالو نصيب
من صالح دعائكم ولاغلى الناس بالشفاء
العاجل ولصاحبة الوصفة جزاها
الله عنا كل خير

في امان الله

11 تعليق

اترك رد

Do NOT follow this link or you will be banned from the site!