ساندويش محضر في البيت

السلام عليكم جاراتي الغزالات ان شاء الله تكونو
بخير وعلى خير وصفة اليوم جد سهلة ساندويش
محضر في البيت بطريقة سليمة صحيا والمذاق
ان شاء الله يعجبكم وكذلك كيفية التحضير لكي
لايستعصي على المبتدئات من الالف الى الياء
نتوكلوا على الله ونبداو بسم الله

ساندويش

المقادير :

مقادير العجين:
225 غرام طحين
1 معلقة كبيرة خميرة الخبز
ملح
3 معالق كبار زيت الزيتون
ماء دافئ
مقادير الحشوة :
صدر الدجاج
1 معلقة كبيرة قشدة طرية
ملعقة شاي كاري
ملح
ابزار
زيت
خس
حبة طماطم
حبة بصل حمراء
فرماج مربعات
صلصة من اختيارك

طريقة تحضير ساندويش :

اول حاجة نديرو الخميرة فشوية الما دافي
ونحركوها باش دوب ونجيبو القصرية نديرو
فيها الطحين الملح وزيت الزيتون والخميرة
لي دوبنا ونجمعوها بالما دافي وندلكوها مزيان
حتى تولي رطبة ومتجانسة ونخليوها ترتاح
لمدة 30 دقيقة ومن بعد نقسموها على اربعة
اجزاء ونشكلوهم على شكل كوميرات اولا خبيزات
لي حبيتي انا ختاريتهم كوميرات وندخلوهم للفران
وندوزو نوجدو الحشوة ناخدو الشرائح ديال صدر
الدجاج ونقطعوهم مكعبات ونشحروهم فالزيت
ونزيدو عليهم القشدة الطرية والكاري ونخيلوه
يطيب لعدة دقائق وناخدو الخبز من بعد منخرجوه
من الفران ويبرد شوية نفكوهم الا ختاريتي ديري
شي صوص دهني بيها الخبز وديري الخس
والدجاج والطماطم مقطعة شرائح والبصل ايضا
والفرماج وهاهو ساندويش جارتي الحبيبة موجود
صحي بامتياز لانه جميع المكونات لي ممكن يحتاج
الجسم ديالك متوفرة فهاد ساندويش ومن طبيعة
الحال الحشوة كتبقا اختيارية انا فقط كنعطي اقتراحات
ممكن ضيفي لي حبيتي وتبدلي لي بغيتي كنتمنى
يعجبك وتقدميه لاحبابك بكل فرح

ونالو نصيب من صالح دعائكم ولاعز الناس
بالشفاء العاجل ولصاحبة الوصفة جزاها الله
عنا كل خير في امان الله

9 تعليقات

ترك تعليق