ديسير مبرد و منعش بدانون و الفلون

السلام عليكم ورحمة الله و بركاته غدي نقدم ليكم ديسير

مبرد و منعش بدانون و الفلون كيجي زوين

نتمنى يعجبكم و تجربوه

ديسير مبرد و منعش بدانون و الفلون

مقادير ديسير مبرد و منعش بدانون و الفلون

كنحتاجو اي فاكهة عندكم مثلا تفاح بنان فريز كيوي اللي متوفر عندكم

تقطعوهم مربعات وديرهم في اناء وضيفو ليهم 2 ياغورت

 باي نكهة حبيتو فريز او بنان و فاني كنحتاج لنصف لتر حليب

و 3 ملاعق سكر وملعقة كبيرة مايزينا و 2 ملاعق كاكاو

نخلطهم ونحطم فوق النار حتى يعقادو

والطبقة ديال فلون كنحتاج نصف لتر حليب وفلون ديال لفريز

و 3 ملاعق سكر وملعقة مايزينا ونعملها نسف الشيء

نديرها فوق النارمع التحريك حتى تغلي وتعقاد

طريقة تحضير ديسير مبرد و منعش بدانون و الفلون

نجيب مول وندير اول طبقة اللي هي ديال فواكه ودانون نسرحها مزيان

ونكب عليها الطبقة ديال الشكلاط وندخلها الثلاجة حتى تجمد مزيان

وعاد نوجد طبقة ديال فلون ونكبها عليها وردها تجمد مزيان ونقدمها باردة

وممكن تزيبنوها باش ما حبيتو انا زينتها بالفريز و بعجينة الشكلاط

اللي سبق حطيتها ليكم وشوية كراميل من فوق

نتمنى تجربوها ولا تنسوني من صالح دعائكم

بالصحة و الراحة 

18 تعليق

  • السلام عليكم،انا مشاركة معكم في الموقع،ما شاء الله على مجهودات الاخوات الله يحفدهم،عند سؤال بالنسبة لطريقة تحضير ديسير مبرد ومنعش ديال دانون وفلان:كنت دكرت مقادير كلها ولكن قلت من بعد طبقة الاولىديال الفواكه نضيف طبقة الشكولاط،سؤالي جارتي العزيزة كيف هي طبقة الشكولاط؟لذلك ارجو توضيحها؟؟؟

  • جارتي وبنت بلادي الحادقة إلهام:السلام عليكي ورحمة الله وبركاته-الله يعطيك الصحة وتسلم يداتك -لازم تعرفي أن المتابعين والمحبين ﻷي موقع أو برنامج يعرفون أن القائمين على هذا الاخير ليسوا بالضرورة مبتكرين أو مخترعين 100% وخصوصا في مجال كالطبخ اللي ما له( حد ولا قد ) أهم شيء اﻹنتقاء والخصوصية واﻹحترام-أما عن الوصفات الحمد لله المواقع والقنوات لا تحصى-وشخصيا عندي 34 كتاب طبخ مغربي ما سبق حضرت منه وصفة إلا ظبطت والحمدلله -وإذا كان على عدم ذكر إسمك بصفتك صاحبة الوصفة توقيعين أنه خطأ غير مقصود بإذن الله- وتذكري دائما قول نبينا محمد صلى الله عليه وسلم :”إلتمس ﻷخيك المسلم 70عذرا قبل أن تحكم عليه.
    جارتك وأختك في الله وبنت بلدك ” أم سلطان”

  • هاد الوصفةديالي راني حطها في منتدى ينبوع المحبة قلبو تما باسمي ima ilhame
    وش هاد الموقع كينقل وصفات من منتديات اخرين انا حصابلي وصفات ديال شي اخت ولكن اغلبهم منقولين
    من منتديات
    انا ماشي مبغيتش حيت نقلتو وصفتي بالعكس كنفرح ملي تنقلوها حيت عبجيتكم وبهيا تفيدوني اخرين ولكن كيبقى فيا الحال فاش ميذكرو المصدر
    وخصوصا الانسان كيبذل فهم مجهود باش يصور ويدخل الصور البي سي وندخلهم المنتدى
    واعذروني على صراحتي

  • صراحة وبدون دوران،، احسن موقع في مجال الطبخ ودائما الجديد شكرا شكرا شكرا.
    بخصوص الوصفة اعجبتني بزاااف وجاري التجربة.

اترك رد

Do NOT follow this link or you will be banned from the site!