دواز اتاي حلوة بالزبيب الزنجلان واللوز

السلام عليكم جاراتي الرائعات ان شاء الله تكونو بخير
وعلى خير كنقترح عليكم هاد المرة دواز اتاي لي هو
حلوة بالزبيب الزنجلان واللوز مقدمة من الاخت كريمة
جزاها الله عنا كل خير بطريقة جد سهلة ومبسطة
وناجحة ليكم ان شاء الله وتقدموها دواز اتاي
وحتى نوع من انواع الحلويات المقدمة في المناسبات
نتوكلو على الله ونبداو بسم الله

حلوة بالزبيب الزنجلان واللوز

المقادير :

نصف رابعة زبدة
100 غرام سكر
100 مليلتر زيت
50 غرام لوز محمر ومطحون
50 زنجلان محمر ومطحون
50 غرام زبيب مرطب في الماء ومقطع
خمارة الحلوة
معلقة كبيرة ماء الزهر
معلقة صغيرة قرفة
الطحين حسب الخليط
للتزيين :
سكر صقيل

طريقة تحضير حلوة بالزبيب زنجلان واللوز :

فقصرية كنديرو الزبدة والزيت و اللوز و الزنجلان
و الزبيب نكونو رطبناه فالماء اولا من الاحسن
رقديهم فماء الزهر

وحتى يرطاب مزيان وقطعيه طراف صغارين وماء
الزهر وحتى هاداك لي درتي فيه الزبيب ممكن
تزيديه ونديرو حتى القرفة

ونخلطوهم بايدينا مزيان حتى يولي متجانس
عاد نضيفو الطحين

بشوية بشوية حتى تكون لينا عجينة متماسكة
ورطبة عاد نزيدو فالاخير الخميرة ونجمعوها

ونبداو نشكلو منها كويرات متوسط الحجم ديالهم
ونضغطو عليهم بالمرشم ونستفوهم فطاوة مدهونة
بالزيت ومرشوشة بالطحين اولا مغطية بورق سيلفيريزي

وندخلوها للفران حتى تحمر ونخرجوها نكونو
غربلنا سكر صقيل ونمرمدوها فيه

ونقدمو حلوة بالزبيب الزنجلان واللوز

بالصحة والراحة جاراتي الغاليات

كنتمنى تعجبكم ونالو جزء من صالح دعائكم
ولاغلى الناس بالشفاء العاجل وللاخت كريمة
صاحبة الوصفة بكل خير في امان الله 

المصدر : صفحة الفايسبوك كدها بالفعل

10 تعليقات

ترك تعليق