مطبخ جاراتي وصفات البيتزا

دنجال بمذاق البيتزا كيجي طوب

  دنجال بمذاق البيتزا كيجي طوب
كناخد الدنجال الكمية لي بغيتي انا درت جوج كبار كنقطعهم دوائر متوسطين ما غلاض ما رقاق وكنستفهم فالاطة لي مفرشة بورق الطبخ وكناخد ربع كاس زيت الزيتون كنظيف ليه الملح الابزار وشوية التحميرة كنحرك داكشي مزيان و كندهن وجه الدنجال من الفوق كامل كندخل للفرن لي مسخن من قبل درجة حرارة متوسطة انا درت 180 شاعل الفوق والتحت خليتو تقريبا 15 دقيقة وخرجتو خديت زلافة درت فيها صلصة الطماطم الجاهزة ظفت ليها شوية الملح الابزار والزعتر وحركت داكشي ودهنت وجه الدنجال بالصوص وشريت بالفرماج والزعتر من الفوق ودخلتو للفران شاعل غير الفوق حتى داب الفرماج وتحمر شوية وخرجتو كيجي مذاق رائع بالصحة والراحة

هذه الوصفة هي من cuisine_ghita_adam اضغطي هنا لزيارة حسابها

ترك تعليق