دجاج بالروز والخضر وجبة خفيفة وصحية Leave a comment

  أهلا انستفاميلي
غداء اليوم خفيف ضريف عبارة عن دجاج بالروز والخضر بطريقتي كيجي رائع ولذيذ
بالنسبة المقادير والطريقة 👇👇
أول حاجة نرقدو الدجاج أنا خديت نصف دجاجة
خديت أناء ودرت عليه كأس ياغورت طبيعي
معلقة صغيرة معمراش سكنجبير
معلقة صغيرة معمراش خرقوم البلدي
ملعقة صغيرة معمراش الببريكا(التحميرة)
راس معلقة صغيرة الابزاز
راس معلقة صغيرة القرفة
راس معلقة صغيرة عطرية الشوارما ماشي ضرورية انا زدتها عطات مداق رائع
راس معلقة صغيرة قزبر يابس
2ضروس التومة
4 حبات القرنفل
2اوراق سيدنا موسى
معلقة كبيرة صوص صوجا
واخيرا عصرة نصف حامضة🍋
ملح حسب الذوق
كنشرمل الدجاج مزيان غي هاد الشرمولة من أحسن ابات في الشرمولة ديالو
وندوزو ناخدو مقلة درت فيها زيت مخلط مابين زيت الزيتون وزيت المائدة وخليت البصلة حتى تقلات كنزيد الدجاج لي رقدت وخليتو حتى طاب حيدتو وحطيتو في لاطة باش ندخلو اتحمر
من بعد زدت شوية الجرز والقرعة الخضراء وفلفل الأخضر والأحمر مقطعين مكعبات وخليت حتى قربو اطيبو زدت عليهم 400gالروز اابسماتي من بعد ما خصلتو مزيان وخليتو اتسقطر باش اتحيد منو النشا ديالو وميتعجنش لينا
طافي حاولو تكون كمية ماء مفيتاش الروز لانه دغيا كيطيب تقريبا خدا مني10minديال طياب كنطفي النار وكنخليه حتى كينشف و بنسبة دجاج دهنتو بشوية زبدة مع صوص صوجا ودخلتو اتحمر
قدمتو بهاد الطريقة البسيطة وبالصحة والراحة
نتمنى اعجبكم أحبتي
خليو لي كيجاكم في تعاليق ❤❤

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *