خضرة لذيذة معمرة بالكفتة والروز بالصور

اليوم جبت لكم خضرة لذيذة معمرة بالكفتة و الروز بالصور كتجي بنينة

يمكن ليك سيدتي تبدلي روتين الطاجين

و الكوكوت بهاد الخضرة المعمرة

 خضرة لذيذة معمرة بالكفتة والروز بالصور

بالنسنة للحشوة

تنحتاجو الروز مسلوق نص صلقة+الكفتة+الكامون+الملح+

التحميرة + البزار + شوية الزيت العود

بالنسبة للاصوص

مطيشة محكوكة+مطيشة الحك+ التومة+ الربيع مقطع+نص

ورقة سيدنا موسى + الملح + التحميرة + شوية سكين

جبير + شوية السودنية + البزار + الخرقوم + الزيت البلدية و شوية

من الزيت العادية نوجدو الخضرة لي بغينا حسب الرغبة

نعمرو الخضر بالحشوة ونستفوها فوق لاصوص و تنخلي مطيشة

معمرة حتى تطيب الخضرة عاد تنزيدها

و تنزيد الماء الكافي لي تطيب فيه الخضر بلا متنشف

منين تطيب الخضرة تنزيد مطيشة معمرة ونخليها ش 5 دقائق حتى

طيب و من بعد تنستفها في طاوة الفران وتندخلها تحمر

في هاد الاثناء تنخلي لاصوص تقلى مزيان

بالصحة و الراحة

11 تعليق

اترك رد

Do NOT follow this link or you will be banned from the site!