حلوة عيد الميلاد بقضبان الشكولاتة لذيذة جدا

السلام عليكم حباباتي ان شاء الله تكونو بخير وعلى خير
كنقدم لكم حلوة عيد الميلاد بقضبان الشكولاتة
حلوة لي لذيذة جدا وسهلة التحضير
وبمقادير متوفرة في كل المحلات التجارية
نبداو بسم الله ونتوكلو على الله

حلوة عيد الميلاد بقضبان الشكولاتة

المقادير :

المقادير لتحضير الجينواز :
4 حبات البيض
4 معالق كبار ماء سخون
100 غرام سكر سنيدة
125 غرام فرينة ممتازة
1 معلقة كبيرة كاكاو
قبصة ملح
مقادير كريم الزبدة براليني :
1 حبة بيض واصفر بيضة
100 غرام سكر سنيدة
10 سنتيليتر ماء
175 زبدة ماركارين
2 معالق كبار برالين
مقادير الكناش :
12,5 قشدة طرية
125 غرام شكولاتة سوداء
للتزيين :
200 غرام شكولاتة سوداء
وريدات بالعجينة اللوز

طريقة تحضير حلوة عيد الميلاد بقضبان الشكولاتة :

اول مرحلة تحضير الجينواز : نطربو البيض فزلافة
بالطراب الكهربائي مع شوية الملح والماء يكون
غليان لمدة تقريبا دقيقة على السرعة القصوى
وعاد نبداو نزيدو السكر سنيدة بشوية بشوية
وخنا باقين كنطربو لمدة 5 دقائق من بعد ملي
يولي عندنا خليط كريمي نحيدو الطراب ونجيبو
معلقة ديال الخشب ونزيدو الحين والخميرة والكاكاو
بودرةيكون مخلطين مع بعضهم ومغربلين ونحركو
بشوية حتى يولي عندنا خليط متجانس كنجيبو
طاوة مدهونة بالزبدة ومغطية بورق الطبخ ونصبو
فيها العجينة وندخلوها للفران لمدة تقريبا مابين
12 و15 دقيقة وكاقصى مدة 20 دقيقة على حسب
الفرن فهاد الاثناء ناخدو منديل ديال الثوب يكون نقي
ونرشو فوق سكر صقيل بشكل كامل وملي نخرجو
الجينواز نقلبوها فوق المنديل ونحيدو الورق ونخليوها
تاخد درجة حرارة المطبخ ونقطعو جناب لي طيبين بزاف
ونقسموها على 3 الاجزاء متساوية

المرحلة الثانية تحضير كريمة الزبدة : كناخذو السكر
والماء وندوبوهم فكسرولة فوق العافية حتى مرحلة
الغليان حتى يولي لينا على شكل سيرو وفزلافة
كنديرو البيض والسكر لي كنا دوبنا فوق النار ونطربو
بالطراب الكهربائي بلا توقف حتى يضاعف لينا الحجم
من بعد نجيبو الزبدة ونديروها فحمام مريم غير تسخن
منخليوهاش حتى دوب نحيدوها من فوق العافية
ونطربوها حتى تولي على شكل كريمة وهاد المرحلة
ضرورية باش تنجح ليك الكريم ديالك ومن بعد نبداو نضيفو
بالمعلقة من الخليط ديال البيض والسيرو وعلى كريم
الزبدة وحنى كنطربو بالطراب حتى نكملو الكمية كاملة
ةيولي عندنا خليط متجانس وعاد فالاخير نضيفو البرالين
ونطربو عاود مرة اخرى


المرحلة الموالية تحضير الكناش :
نديرو الكريمة القشدية ونزيدوها على الشكولاتة و
نحركوهم باش يذوب الشكلاط ويعطيونا خليط ناعم
وكيلمع من بعد نديرو الخليط فالمجمد لمدة 12 دقيقة
ونخرجوها ونضربوها بالطراب حتى يولي عندا
خليط كريمي

المرحلة الاخيرة المونطاج :

ناخدو 3 معالق كبار من الكناش ونخليوه على جنب

كندهنو قطعة من الجينواز بكريم براليني ونديرو
الطبقة الثانية وحتى هي ندهنوها بكريم براليني
وحتى القطعة الثالثة نفس الطريقة
ناخدو داكشي لي بقا من كرييم براليني نطربوه
بالطراب مع دوك 3 معالق ديال الكناش لي حيدنا
على حنب وندهنو بيه الحلوة ديالنا من كل جوايه

ونخليوه مدة زمنية فالثلاجة باش تشد راسها
ونزينوها من بعد
كنحضرو قطبان الشكولاتة

ونلصقوهم فالحلوة ديالنا من جناب بشوية
باش ميتهرسوش لينا فيدينا

وفجناب نزينو بالكريمة باش نملؤو
الفراغات ونتبتو قضبان الشكولاتة

ونزينو الوجه ديالها بوريدات الشكولاتة من عجينة اللوز
ونقدمو حلوة عيد الميلاد بقضبان الشكولاتة
بالصحة والراحة

كنتمنى تعجبكم وتفرحو بيها وليداتكم وحبابكم

ونالو نصيب من صالح دعائكم والدعاء
لاغلى الناس بالشفاءالعاجل ولصاحبة
الوصفة جزاها الله عنا كل خير في امان الله
المصدر :    moutfou

16 تعليق

اترك رد

Do NOT follow this link or you will be banned from the site!