حلوة ريشبوند المغربية القديمة

  حلوة ريشبوند المغربية القديمة ياسلام هههه خفيفة بحال ريشة شكون الي مكتعجبوش هاد الحلوى
حلوى كايحبها صغير والكبير
حلوى الكوك كتجي خفيفة بحال الكيكة
150 مل زيت الي هي 15سل
150غرام سكر يمكن لكم تقللو السكر
3بيضات
قشرة حامضة
اثنين اكياس سكر زهرة البرتقال كيعطيها مذاق مذهل
10غرام خميرة الحلاويات
450 غرام دقيق
50غرام نشا
الطريقة كنخلط السكر والزيت والبيض مزيان حتى يذوب السكر وكنضيف الدقيق ‏شيئا فشيئا مع النشا حتى كيتمزجو جميع المكونات وفاش كنبدا نكورهم كنغطيها بكيس بلاستكي باش مينشفش العجين وندخلهم الفرن
التزين:
كنحتاج 400غرام مربى ساءل مع 8 معالق ماء الزهر نسخنهم وندوز المربى في الصفاية باش نحيد أطراف المشمش كيبقى حسب المربى كاين الي مافيهش
كندروز كنغطس فيها الحلوى كنخليها شوية تشرب مكنحيدهاش دغيا باش يدخل فيها المربى وتجي رطبة ونفندها في الكوك الخشن ،رقيق كيبان بحال الدقيق وخا صراحة هو ميدم وريحته حسن من الخشن انا شنو كندير كنخلطهم بزوج
نتمنى تنال إعجابكم صراحة كتجي خفيفة بحال الريشة النشا ضروري هو الي كايعطيها ديك الخفة غتلاحظو فاش تخرجوها من الفرن وتهزوها في يديكم خفيفة بزاف
عواشركم مبروكة بكل ماتمنيتو الله يتقبل منا ومنكم صالح الاعمال😘❤️

هذه الوصفة هي من matbakh_oum_zayd اضغطي هنا لزيارة حسابها

ترك تعليق