حلوة حلزونية الشكل بعقدة اللوز

  حلوة حلزونية الشكل بعقدة اللوز..
مقادير العقدة
500غ من اللوز + 200غ سكر + 2 معالق كبار زبدة مذابة + ملعقة صغيرة من نكهة الموز + القليل من ماء الزهر.
مقادير العجين
500غ من الدقيق + 100غ زبدة مذابة + بيضة واحدة + ملعقة كبيرة سكر گلاصي+ 2 معالق كبار ماء الزهر + و ماء بارد لجمع العجين.
الطريقة
كنرطبو اللوز في ماء غليان كنقشروه وكنشفوه مزيان وكنطحنوه مع السكر جيدا من بعد كنضفولو باقي المقادير وكنجمعو الكل بالقليل من ماء الزهر حتى نحصلو على عقدة تكون رطبة كنشكلو منها كويرات تكون متوسطة الحجم كنغطيوهم بالبلاستيك الغذائي باش مينشفوش لينا وكنوضعوهم جانبا، وندوزو لتحضير العجين..
كنخلطو الدقيق مع الزبدة جيدا كنزيدو البيضة وماء الزهر وقبصة من الملح والسكر گلاصي وكنجمعو الكل بالماء البارد
وكندلكو العجين جيدا من بعد كنقسموه الى قطع وكنغلفوه بالبلاستيك الغذائي وكنخليواه يرتاح شوية من بعد كنطلقو العجين بالدلاك على سمك يكون رقيق جدا وكنقطعو دوائر بالقطاعة وكنغلفو كل كرة من عقدة اللوز بدائرة من العجين و بالنسبة للتزيين كنخدو قطعة من العجين اللي حضرناه وكنضيفلها القليل من بودرة الكاكاو ونخلطو مزيان حتى نحصلو على عجين بني غامق كنطلقوه رقيق وكنقطعو أشرطة طويلة وكنلفو كل شريط على كل قطعة وكنوضعوها في القالب وكنضغطو جيدا حتى نحصلو على شكل القالب والطريقة واضحة في الصور من بعد كنستفوها في اللاطة وكنخليوها تنشف 6 ساعات او ليلة كاملة وكندخلوها طيب فالفران على نار هادئة حتى تبدا تاخذ لون ذهبي خفيف جدا كنخرجوها وكندهنوها مزيان بالناباج وكنعاودو نردوها للفران تشمع شوية مدة 3 دقائق كنخرجوها وكنزينو وسط كل حلوى باللوز مهرمش ومحمر وكنقدموها …بالصحة والراحة

هذه الوصفة هي من ali_boukniter اضغطي هنا لزيارة حسابها

ترك تعليق