حلوة الهلال بالمكسرات والفرماج بالطريقة والصور

السلام عليكم جاراتي حلوة الهلال بالمكسرات والفرماج
بطريقة جد سهلة ومصورة من عند الاخت كريمة جزاها الله عنا كل خير
بلا منطول عليكم نبداو بسم الله

حلوة الهلال بالمكسرات والفرماج

المقادير :

100 غرام زبدة طرية
100 غرام مابين الكاجو البندق اللوز والكركاع
2 مثلثات فرماج من اي نوع
50 غرام سكر صقيل
معلقة كبيرة زيت
معلقة صغيرة خميرة الحلوة
بيضة
الطحين حسب الخليط
للتزيين :
سكر صقيل

طريقة التحضير :

فإناء كنديرو الزبدة و المكسرات البندق الكاجو اللوز والجوز يكونو مهرمشين
الفرماج سكر كلاصي والزيت والخميرة والبيضة

ونخلطو كلشي مزيان حتى يولي عندنا خليط متجانس

ونبداوو نزيدو فالدقيق بشوية بشوية

وحنا كنخلطو حتى تولي عندنا عجينة رطبة

ومن بعد نبداو نديرو كويرات ونشكلوهم على شكل هلال ونبقاو بحال هاكا
حتى نكملو الكمية كاملة ونستفو الحلوة في طاوة تكون مدهونة
بالزيت والطحين اولا مفرشين فوقها ورق سيلفيريزاي 

وندخلوها الفران يكون مسخن من قبل على درجة حرارة 180 حتى يطيبو مزيان
ويبداو يتحمرو ونخرجوهم و نخليوهم ياخدو درجة حرارة المطبخ
ونغربلو السكر الصقيل باش ميبقاوش الحبيبات
و نفدو فيه الحلوة ديالنا

ونقدمو حلوة الهلال بالمكسرات والفرماج بالصحة والراحة

كنتمنى تجربوها وتعجبكم
ودعيو مع صاحبة الوصفة بكل خير

تعليق واحد

ترك تعليق