حلوة الكوك ونيسنلي بدون فرن وسهلة التحضير

  السلام عليكم الغزالات زيدكم هاد الحلوة مكاينش لي معرفهاش كتعجب الصغير او الكبير من يمات الطفولة كديرها لينا الوليدة الله يحفظها لينا يارب
حلوة الكوك ونيستلي بدون فرن سهلة التحضير او كتوجد دغيا بجوج مكونات فقط
المكونات
500 غ كوك
نيستلي (حليب مركز محلى )
الطريقة
غادي نطحنو الكوك شوية ثم نضيف عليه نيستلي او نخلطو العناصر حتى يتجمع لينا ثم نعمل الكورات
أنا عملت حشوة الشكلاط مع كاوكاو مهرمش
كندوب الشكلاط ثم نضيف عليه كاوكاو محمر أو مهرمش حتى يتجمع ثم كل كورة كنبسطها او كنضيف ليها الحشوة او نعاود نجمعها ثم نغطسهم فالشكلاط أبيض أو الشكلاط الأسود
او ديرهوم فالثلاجة باش الشكلاط يبقا شاد راسو
طبعا كيبقا التزين اختياري
يمكن تخليوهم غير هكاك الصارحة واعرة خصوصا مع ديك الحشوة فالوسط ولا أروع

هذه الوصفة هي من cuisine_najwa اضغطي هنا لزيارة حسابها

ترك تعليق