قائمة المحتويات
السلام عليكم جاراتي ليوم جبت ليكم حلوة الغراف الرائعة والسهلة
و حلوة الغراف معروف أنها تعمل بمقادير بسيطة جدا و سهلة التحضير نبداو بسم الله
حلوة الغراف من تقديم الجارة نجوى
مقادير حلوة الغراف
بيضة
2 معالق سنيدة
2 معالق زبدة
شوية الملحة
الطحين على حساب شحال باغا
الما دافي
للتزيين :
العسل
الكوك او اللوز او الكاوكا مهرمش
طريقة تحضير حلوة الغراف
كديري المقادير كاملة فقصرية
وكتعجني بالما دافي بحال عجينة المسمن و تخاليها ترتاح وتبداي ديري كريصات صغار
كديري غراف ديال الحديد ويلا ماكانش عندك تقدري ديري كاسرونة
وديري فيه الزيت يسخن
ملي تبدا عجينتك ترخف تاخدي كريصة و تكرسيها مزيان خاصها تكون رقيقة
من بعد تبداي طيبي فيها بحال هاد الشكل
كاتحوطيها بحال هاكا باش تاخد الشكل ديالها وتحايدي ايدك
و هاهيا حلوة الغراف واجدة
كنديرو فوقها العسل بالكمية لي بغينا انا دردرت
بالكوك ممكن جارتي ديري لي موجود عندك لوز ازلا كاوكا اولا جنجلان ….
بالصحة والراحة و كانتمنا تعجبكم
تبارك الله عليكم
انا انشالله غنجربه و الله يعطيكم الصحة
بالتوفيق ان شاء الله
ملاحظة .انا جربتها المرة الاولى بهاد المقادير و جات زوينة والمرة الثانية زدت عليهم صاشي ديال الفانيلا و جات احسن
شحال ديال الزيت كالديري فالغراف
تقريبا نصف الغراف
brit ndir faysbok o ma3rftch
la y3tikom sha a lrzalat
تبارك الله عليك
Salam Mashallah 3alikom o tabarkallah 3al magherabeA t allah yabark fikom
ماشاء الله عليكم الله يعطيكم الصحة
3ndk lh9 alala salima
tbark lah 3likoum lah iwf9kom
ياربي امين
alah ya3tikom saha
الله اعطيكوم صحيحتكوم المغربيات الغزالات قلوبكوم كلها مودة و عطاء تعيش المغربية فين ما كانت سيدات نساء الكون و شكر خاص لصاحبة الوصفة