حريشات صغار بالسميدة واعرين بزاف

  حريشات صغار بالسميدة واعرين بزاف
المقادير:
2 بيضات
كأس إلا ربع سكر(عبار بكاس العنبة )
فاني
قشور الحامض
كأس إلا ربع زيت
ياغورت فاني
كأس حليب بارد
كأس إلا ربع جوز الهند
كأس دقيق فرص
قبصة ملح
ملعقة صغيرة خميرة فورية
16 غرام خميرة حلويات
أربعة كؤوس سميدة رقيقة
للتزيين سكر سميد رقيق جوز الهند
وماء الزهر
الطريقة:
فإناء نخلط البيض قبصة ملح فانية قشور الليمون الحامض
سكر بالخلاط اليدوي تم نضيف الزيت ياغورت حليب خميرة فورية جوز الهند دقيق فرص تم السميد والخميرة الحلويات ونخلط مزيان ونطيه بالبلاستيك الغدائي ونخليه يرتاح من 40 دقيقة حتى ساعة حسب السميد واش كيشرب ولا لا . ناخد اناء نخلط فيه كمية متساوية من سنيدة سميدة والكوك وندهن يدي بماء الزهر ونشكل كريات كبار ونفندهم فخليط سميدة وسنيدة والكوك ونشكلها على شكل غريبة ونوضعها في صينية فرن ونباعد بيناتهم وندخلهم لفران ساخن مزيان نطفي التحت ونخلي غير الفوق شاعل ونقص درجة حرارة 180 وندخل الطاوة ديالي ونخليها حتى تبدا تشقق عاد نشعل التحت ونخليها تكمل طيابها ملي نخرجها من الفرن نغطيها بمنديل باش تبقى رطبة. ملي نبغي نحتفظ بيها نوضعها فبواطة ونوضع معها قطعة سكر أو قشرة برتقالة أو ليمونة

هذه الوصفة هي من karima.cuisine اضغطي هنا لزيارة حسابها

ترك تعليق