حرشة بالطون والزيتون

اهلا وسهلا بك جارتي في دارك الثانية كنتمنى
يعجبك لي كنقدموه ليك وتفرحي بيه عائلتك وصفة
ليوم رائعة جدا وبالخصوص لمحبي الاطباق المالحة
كتجي كتهبل وسهلة التحضير والمقادير متوفرة في كل
بيت محضرة من الاخت كريمة صاحبة صفحة الفايسبوك
كدها بالفعل بلا منطول عليكم نتوكلو على الله
ونبداو بسم الله

حرشة بالطون والزيتون

المقادير :

300 غرام سميدة رقيقة
120 غرام زيت
1 ملعقة كبيرة خميرة كيميائية
1 ملعقة كبيرة سكر سنيدة
نصف ملعقة صغيرة ملح
200 غرام ماء دافي


للحشو :
علبة سمك معلب
حبة بصل صغيرة الحجم
زيتون اسود
جبن

طريقة تحضير حرشة بالطون والزيتون :

كناخدو السميدة نديروها فاناء ونزيدو عليها الخميرة
سكر سنيدة والملح

ندمجوهم مع بعض

وعاد نبداو نزيدو الزيت

ونبسبسوها مزيان

يعني ممكن منديروش الكمية كاملة المذكورة
فالمقادير على حسب نوع السميد تاهو كيلعب
دور مهم جدا عاد نبداو نزيدو الما

نديرو الكمية كاملة ونعجنوها غتجيك العجينة
مطلوقة وليني ملي غنخليوها ترتاح غادي تشرب
وتولي عاقدة ونخليوها على جنب فمكان دافي
ونوجدو الحشوة نششحرو البصلة فزيت الزيتون
وشوية الملح والابزار وملي ترخا نزيدو عليها السمك
و الزيتون انا ختاريت الاسود ونحركوهم شوية
ونحيدوهم من فوق النار وملي تبرد نطلو على
العجينة الا ولات مجموعة

مبقاتش مطلوقة نبداو فعملية الحشو الا كانت مزال
نزيدوها شوية الوقت نبداو فعملية الحشو ناخدو شوية
من العجينة ونحطوها فوق سطح مرشوش مزيان بالسميدة
متوسطة الحجم ونديرو وسطها معلقة صغيرة من الحشوة
وقطعة صغيرة من الجبن فالوسط

ونلفوها بحال البطبوط

والا جاتك كتلصق ديري ايديك فالماء غتولي
العملية جد سهلة

ونبسطوها عادي

ونديرو المقلة الثقيلة تسخن ممكن تخدمي
حتى بديال البغرير ونديرو الحرشات ديالنا يطيبو

حتى تحمر من جوايه بجوج

عاد نقدمو حرشو بالطون والزيتون

فوجبة اللمجة اولا فموائد رمضان بالصحة والراحة
كنتمنى تنال اعجباكم ودعيو معانا بكل خير ولاغلى
الناس بالشفاء العاجل ولصاحبة الوصفة
جزاها الله عنا كل خير

في امان الله

3 تعليقات

اترك رد

Do NOT follow this link or you will be banned from the site!