حرشة بالبيبي وجبة صحية لذيذة وسهلة التحضير

السلام عليكم جاراتي
عزيزة عليك الحرشة او لحم البيبي
اشنو رايك نجربوهم بجوج فطبق واحد
حرشة بالبيبي كتجي كتهبل وشهية
وكنتمنى تجربوها
نبداو بسم الله

حرشة بالبيبي

مقادير حرشة بالبيبي :

مقادير العجين :
نصف كيلو سميد رقيق
نصف ملعقة صغيرة من الملح
ملعقة كبيرة من السكر
1 خمارة ديال الحلوة
نصف كاس زيت صغير
ما بارد
مقادير الحشوة :
 البيبي 
بصلة مقطعة مربعات  صغيرة
1 حبة فلفلة حلوة مقطعة مربعات
ملح
ابزار
زعفران
زيت زيتون
زيتون اسود منزوع العظم
جبن

طريقة تحضير حرشة بالبيبي : 

فمقلة كنشحرو البصلة و الفلفلة  فالزيت مع الملح
و الابزار ملي يدبالو نزيدو عليهم لحم البيبي مقطع
الى قطع صغيرة ونزيدو زعفران ونبقاو نحركو من
الاحسن بمعلقة ديال العود باش متشرطش المقلة
و المكونات الغذائية ديال البيبي تبقى فيه منخسروهاش
ملي يطيب كلشي مزيان نخليوه يبرد

ونوجدو العجينة ديالنا في اناء كنخلطو السميدة


مع الملح و السكر و الزيت و الخمارة
و نجمعوهم بالما بارد

كنقسمو العجينة على جوج الجزء الاول
كنسرحوه فالمول لي غادي يدخل للفران

من بعد كنجيبو الحشوة ديالنا من بعد ما بردات
ونسرحوها فوقها مزيان

ونزيدو فوقها الزيتون والجبن اي نوع كان عندك

ونغطيوها بالجزء الثاني ديال العجينة

وندخلوها لفران يكون سخون مزيان
طيب و نخرجوها
جارتي بالنسبة للحشوة ممكن تختاري الحشوة لي
حبيتي ماشي ملزمة ديري هاد الحشوة
و هاهيا بالصحة و الراحة 

4 تعليقات

اترك رد

Do NOT follow this link or you will be banned from the site!