تشيز كيك البرتقال بالمراحل المصورة

السلام اعليكم أجارتي الحادكات، سمحو لي غبرت عليكم شوي غير مشاغل الحياة أصافي وكنشكر اختي إيمان لتساءلت على غيابي، اليوم جبت ليكم وصفة وطريقة تشيز كيك البرتقال رائع فمذاقه ومنظره وأتمنى تجربوه عمل بلا ما نطول عليكم باسم الله نبدأ

تشيز كيك البرتقال

المقادير

بسكوي عادي
9 باكيات هنريس مطحون
6 معالق كبار زبدة ذائبة

الكريمة الاولى :

كريم شانتي طالعة ( مخفوقة )
5جبن كيري
فاني
2 يوغورت ( بيرلي )

هاهي صورة يوغورت بيرلي وممكن تعوضيع بنوع مشابه له إذا وجدته

الكريمة الثانية :

3 كؤوس عصير برتقال
3فلان برتقال
3معالق سكر
2معالق كبار نشا

طريقة عمل تشيز كيك البرتقال :

نطحنو البسكوي مزيان ونخلطو معاه الزبدة ذائبة، من بعد ناخد مول كيتفتح من الجناب،

نوضع فيه البسكوي ونضغط عليه مزيان بيدي.

وندخلو لفرن لمدة 5دقايق ونخرجو،

الكريمة الاولى:

ناخد لكريم شانتي طالعة ومنسمة بالفاني ،

ونزيد عليها جبن كيري ونخلط مزيااان بالباتور تا اتحل الجبن ،

ونزيد زوج بيرلي ونخلط مزيان،

ونوضعها فوق البسكوي وندخلها للثلاجة 3 ساعات على الاقل باش تعقاد مزيان،

الكريمة الثانية :

من بعد ندوزو لكريمة دالبرتقال فكاسرونة،

نكب العصير ونزيد عليه الفلان والسكر والنشا ونخلط مزياان

ونوضعو فوق نار مهييلة ونحرك حتى يغلي،

ونحطو شوي عاد نكبو فوق الكريمة بهدوء ومن الاحسن تستعملو المعلقة،

من بعد ندخلو تشيز كيك البرتقال ديالنا للثلاجة تعقاد كريمة البرتقال،

ونزينوه باش ما بغينا 

وبالصحة والعافية

27 تعليق

اترك رد

Do NOT follow this link or you will be banned from the site!