سلطات وديسير مطبخ جاراتي مقبلات

تحلية تشيز كيك بالتفاح

  تحلية تشيز كيك بالتفاح مذاقات ولا اروع

المقادير

🔴الطبقة الاولى
100 غ البيسكوي مطحون
جوج معالق زبدة مذابة
معلقة كبيرة عسل
🔴الطبقة التانية
نصف لتر حليب
جوج معالق كبار سنيدة
جوج معالق كبار دقيق
ساشي فاني
معلقة صغيرة زبدة
جوج فرماجات
🔴الطبقة الاخيرة
جوج تفاحات مقطعين مربعات صغار
جوج معالق سنيدة
عود قرفة
معلقة كبيرة زبدة
🟢الطريقة :
كناخد البيسكوي كنظيف ليه الزبدة والعسل باش يجي معلك وكنحرك مزيان وكنخوي فالكيسان وكناخد كاس صغير كنبسط بيه السطح مزيان وكنخليهم على جنب
كناخد كاسرول كندير فيها الدقيق السنيدة الفاني وكنظيف القليل من الحليب كنحرك الخليط جيدا وكنزيد الحليب وكنديرو على عافية متوسطة مع التحراك المستمر مجرد تعقاد الكريمة كنظيف ليها الزبدة والفرماج كنحرك مزيان حتى كيدوب كلشي وكنخوي الكريمة فوق البيسكوي وكنخليها تدفى شوية وكندخلها للثلاجة تبرد منين كتبرد كناخد التفاح كنديرو فمقلاة كنظيف ليه السنيدة والقرفة اعواد والزبدة وكنشعل العافية تكون مهيلة كنخلي التفاح يتعسا على خاطرو منين كيتعيا كنخليه يدفى وكنديرو فوق الكريمة كطبقة أخيرة وبالصحة والراحة

هذه الوصفة هي من cuisine_ghita_adam اضغطي هنا لزيارة حسابها

ترك تعليق