بقلاوة مالحة

بقلاوة مالحة بالدنجال 3

وصفة أخرى من وصفات رمضان ، بقلاوة مالحين بالدنجال 

وصفة بقلاوة بعجينة العشر دقائق من الأخت لطيفة

بقلاوة مالحة

مقادير بقلاوة مالحة بالدنجال

عجينة العشر دقائق ( اضغطي هنا )

صوص خاص بالبيتزا +ملعقة هريسة
بطاطس مقلية دائرية
دنجال مقلي دائري او اي نوع ديال الخضر المتوفرة
كفتة مشحرة مع بصلة متوسطة +ملح وابزار
فرماج محكوك او السندويتش
بيضتان للحشو والدهن

طريقة التحضير

أول حاجة نقليو البطاطا و الدنجال ثم نشحرو البصلة حتى تدبال

ونضيفو الكفتة و التوابل

نطلقو العجينة وتكون رقيقة بزاف

وناخدو لعبار ديال المول لي غدي نطيبوها فيه

وغادي نحتاجو 2 قطع واحدة فراش وواحدة تغطية

هاكدا كنخدو لعبار ديال القطع ونقطعو الزائد بالسكين

نفرشو القطعة الأولى من العجين وندهنوها بالهريسة والصوص

ونرشو بالبيض مضرب ونحكو عليها الفرماج

او نحطو فرماج السندويتش

من بعد نزلو الكفتة لمشحرة مع البصلة

ثم دوائر الدنجال ونرشو بالبيض ونحطو الفرماج

ونغطيو بالعجينة وندهنو بالبيض من الفوق

بالسكين نقطعو مربعات البقلاوة ونزينو بالزيتون حلقات

وندخلوها للفران بلا ما تخمر وخاصها طيب من تحت مزيان

عاد نهبطوها باش يتحمر الوجه

وهاهي بقلاوة مالحة بالباذنجان بألف صحة

3 Comments

  1. Tbarkalah 3lik akhti ghadi ndirha nchaalah

  2. TBARK LAH AKHTI LAH I3TIK SAHA

    1. ياربي امين

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *