بطبوط معمر بالكفتة

 السلام عليكم جاراتي الغزالات ان شاء الله
تكونو بافضل الاحوال بطبوط معمر بالكفتة
وشحمة الكلوة وصفة دسمة بامتياز ومن
الاحسن تحضر مرة فشحال باش منضروش
الصحة ديالنا وهي مقدمة من عند الاخت
فاطمة من موقع fatimato cuisine والطريقة
مشروحة بالصور لتسهيل كيفية التحضير
على الجميع نتوكلوا على الله ونبداو بسم الله

بطبوط معمر بالكفتة

المقادير :

مقادير العجين :
نصف كيلو دقيق ابيض
نصف كيلو دقيق اصفر
خميرة الخبز
ما دافي
ملح
مقادير الحشوة :

250 غرام كفتة الغنمي
150 غرام شحمة الكلوة
2 حبات بصل
ربيع مقطع
ضامة البنة غنمي
ملح
تحميرة
كامون
نصف كاس صغير زيت الزيتون

طريقة تحضير بطبوط معمر بالكفتة :

فقصرية كنديرو الفورص والقمح والخميرة
ونعجنو العجينة ديالنا بالما دافي وندلكوها
مزيان عاد فالاخير نزيدو الملح وندلكوها مرة
اخرى لمدة قصيرة ونخليوها على جنب فبلاصة
دافية تخمار وندوزو نوجدو الحشوة فمقلة نديرو
الشحمة دوب ديال الكلوة ونشلضو البصلة
ونزيدوها عليها والتوابل الملح التحميرة
الكامون ضامة البنة والربيع مقطع ونزيدو
زيت الزيتون ونخليوها تغلى لمدة 5 دقائق تقريبا
وعاد نزيدو الكفتة ونخليوها طيب وفنفس الوقت
حنا كنحركو وملي تنضج ندوزو للعجينة لي
نشكلوها كويرات متوسطات الحجم

ونبسطوهم ونديرو فيهم معلقة كبيرة من الحشوة

ونعاودو نجمعو الكرصة

ونخليوها ترتاح لدقائق معدودة على جنب
ونكملو الكمية كاملة ديال عجينة وفهاد الاثناء
تكون المقلة كتسخن وكل كرصة نبسطوها عادي

ونديروها طيب

وملي طيب من جوايه بجوج نكونو حطينا
منديل نقي باش لي طيبناها نديروها
فيه باش يبقاو دافيين لحين التقديم

وان شاء الله يعجب اهلكم واحبابكم
بطبوط معمر بالكفتة

ونالو نصيب من صالح دعائكم ولاغلى الناس
بالشفاء العاجل ولصاحبة الوصفة جزاها الله
عنا كل خير

في امان الله

2 تعليقان

اترك رد

Do NOT follow this link or you will be banned from the site!