بطبوط معمر بالفرماج والخضرة

وصفة اليوم عبارة عن بطبوط معمر بالفرماج والخضرة لمائدة إفطار رمضان، كيجي لذيذ وسهل التحضير ويمكونات اقتصادية ومتوفرة في كل بيت، نتمنى تجربوه وينال إعجابكم

بطبوط معمر بالفرماج والخضرة

المقادير

مكونات العجينة
400غ دقيق
200غ فينو
شوية الملحة
معلقة كبيرة سكر
معلقة كبيرة خميرة فورية
معلقة كبيرة زيت
معلقة كبيرة حليب بودرة
الماء

مكونات الحشوة
بصلة مطحونة شوية مع الفلفلة خضراء أو حمراء
1جزرة محكوكة
شوية الفرماج محكوك
شوية البصل الأخضر مقطع طراف صغار
التوابل: الملحة.الابزار.التحميرة.شوية الحار . شوية الزيت البلدية
الكمون

طريقة تحضير بطبوط معمر بالفرماج والخضرة

تحضير الحشوة
كنشحرو البصلة و الفلفلة والجزر مزيان ونزيدو التوابل نحركوه حتى يطيب نخلوه ابرد شوية عاد نطفيو عليه و البصل الأخضر و الفرماج و نخلوه يبرد مزيان

تحضير العجين

كنعجنو جميع مقادير العجينة متكونش رطبة بزاف كنخليوها تخمر مزيان

نديروها كويرات بالحجم لي بغينا

ونديرو الحشوة ونعمروهوم

او نكرصوهم ونجمعوهم و نخلوهم يرتاحو شوية ونبداو نطيبوه

قبل منقلبو البطبوط ندهنوه بشوية الزيت البلدية (اختيارية)

ملاحظة:ملي نكرصوهوم نقلبوهوم على الجهة لجمعنا فيها العجينة ونكرصوه غير باليد
امكن نعمروه بالفرماج ناخدو الفرماج المثلث مع الفرماج محكوك و شوية الزعتر نخلطوه مزيان ونعمرو به الكوريات ونجمعوه ونخلوه ارتاح شوية ونكرصوه بالدلاك اكون رقيق

اترك رد