السلام عليكم جاراتي الغزالات رمضان
مبارك ان شاء الله الايام المتبقية فهاد
الشهر الفضيل رحمة وعتق من النار وصفة
هاد المرة بطبوط مربع ممتاز مشروح
بالصور وطريقة مفصلة لتسهيل التحضير
نتوكلو على الله ونبداو بسم الله
المقادير :
نصف كيلو قمح
350 غرام فورص
معلقة كبيرة ونص خميرة الخب
ملح
ماء دافي للعجن
طريقة تحضير بطبوط مربع ممتاز :
فقصرية نديرو دقيق القمح والفورص
والخميرة وندلكوها مزيان وعاد فالاخير نزيدو
الملح ونعاودو ندلكوها مزيان وهادي نصيحة
من المشاهير في مجال الطبخ فالخبز منجمعوش
الخميرة والملح ونخليوها ترتاح تقريبا لمدة
نصف ساعة وتقطعيه بالشكل لي حبيتي
فهاد الوصفة الاخت ليلى كاميل ختارت انها
تطلق العجينة بالدلاك غيخلي لينا خطوط متوازية
وتقطعو على شكل مربعات
ونخليوه لمدة تقريبا نصف ساعة
وعاد نبداو نطيبو حتى نكملو الكمية كاملة
ممكن نديرو ليهم الحشوة لي بغينا اولا نقدموه
بحال هاكا وندهنوه بالفرماج او الشكلاط اولا كونفتير
نقدمو بطبوط مربع ممتاز
بالصحة والراحة
في امان الله
