السلام عليكم ، أقدم وصفة بسطيلة هائلة، بسطيلة بالحوت مغربية روعة بالصور والمراحل خطوة خطوة
مقادير بسطيلة الحوت المغربية
نصف كيلو ورقة البسطيلة
200 غرام من الكلامار – 200 غ كروفيت – 200 غ من أي نوع من السمك الابيض تفضلين – علبة فطر – شعرية صينية
الابزار + الكمون + التحميرة +القزبر حبوب مطحون + ضروس ثوم + القزبر و المعدنوس مقطع رقيق + 2 معالق مطيشة الحك + 2 معالق كبار هريسة + الزيتون اخضر مقطع دواور + طريفات د الحامض مصير + عصير حامضة
باقي مقادير بسطيلة الحوت مع طريقة التحضير
طريقة التحضير بالصور
درت في المقلاة الحوت الابيض مع شوية د الزيت و الزبدة الملح و الابزار و ديته و جبته غي بشوية باش ما يتفرتتش
نفس الشيء درتو للكروفيت
و حتى الكلمار
في نفس المقلاة دائما درت الشومبينيون باش يتنسم بطيبة الحوت درت معاه شوية الثوم و المعدنوس
الشعرية الصينية خويت عليها الماء طايب حتى طلقات راسها صفيتها و قطعتها
و عاد خلطت كلشي الحوت + الشومبينيون + الشعرية الصينية + و زدت عليهم
الابزار + الكمون + التحميرة +القزبر حبوب مطحون + 4 ضروس ثوم + القزبر و
المعدنوس مقطع رقيق + 2 معالق مطيشة الحك
+ 2 معالق كبار هريسة + الزيتون اخضر مقطع دواور + طريفات د الحامض مصير +
عصير حامضة
الملح ما زتهاش حيت الحوت مملح و الزيتون حتى هو
خديت الطاوة د البسطيلة دهنتها بالزبدة و فرشت الورقة
درت الحشوة و خليت شي طريفات د الحوت الابيض زدتهم الفوق شاطو ليا شي ورقات درتهم بريوات عمرتهم بالجبن + الملح + الابزار + المعدنوس + زعيترة و دخلتهم للفران ما قليتهمش في الزيت
منين خرجتها من الفران دردرت عليها الفروماج محكوك و ستفت حداها البريوات و خليتها في طاوتها حتى نبغي نحطها عاد نعاود نرجع نسخنها
في النهاية، هذا هو الشكل النهائي بعد عمل بسطيلة الحوت الرائعة
بالصحة والعافية
Téébarkllah 3Léééééék
zwina tbarkala3lik lah
y3tik saha
chokran 3la had lwasfa
ana jaribta katji ldiiiiiiiiiiiiiiiiiiiiiiiiiiiiiiiiiiiiida
Lah ye3tik saha chukran almerdiya
wasfa ra2i3a atala allao 3omrki
allah y3tik sa7a fenna mchkora o5ti
wasfa ra2i3a atala allao 3omrki
i3afake akheti wache momkine nesla9e lhote wala la rire nechahero fi lema9ela
Merci mais Mazala majrbthach
Ana jrabtha lyom saraha jat ldida bzaaf merci
tbrekalah 3LIK A KHETI LAH Y3TIK SAHA
Tbarklah zwiina wo ana ylh nawya njarabha
Mrc bzzf
khti momkin nzido war9at saydna mousa f lhout
la
alah y3dik saha
lah yslm ydik
ياربي امين
زوينة بزاف
تبارك الله عليك
الله يبارك فيك
تبارك الله عليك اختي جربتها جات غزاااااااالة الله يعطيك الصحة
ام اية
راه درت بحالها تماما ناقصة غي حار شوية كتشهي كنستنتها امتا طيب
تارك الله عليكم:
مقادير في متناول غالبية الراغبين ،
طريقة مبسطة،خطوات مركزة .شكرا على التعميم.
تبارك الله عليك حتي الله يحفظك
zwina ana drtha lyom mais zdt war9t sidna mosa wchwiya dlhar jat ghzala
بالصحة والراحة