بسبوسة بالكوك بنينة وخفيفة

السلام عليكم جاراتي الغزالات ان شاء الله
تكونو بخير وعلى خير بغيت نشارك معاكم
بسبوسة بالكوك لانها رائعة لذيذة بزاف
وسهلة التحضير وحتى المقادير ماشي
شي حاجة لي مكلفة مقدمة من عند
الاخت كريمة من صفحة الفايسبوك كدها بالفعل
نتوكلو على الله نبداو بسم الله

بسبوسة بالكوك

المقادير :

1 ياغورت خوخ او طبيعي
3 بيضات
كاس سكر سنيدة
كاس زيت المائدة
كاس كوك
3 كيسان سميدة متوسطة
2 خمارات 1 فاني


مقادير السيرو :
2 كيسان ماء
2 كيسان سكر سنيدة
منسم

طريقة تحضير بسبوسة بالكوك :

العبار كامل كنعبروه بالكاس ديال الياغورت
فزلافة نديرو البيض الياغورت

ونفس الكاس ديال الياغورت نعبرو
بيه سكر سنيدة

ونطربو كلشي مزيان وعاد نزيدو الزيت

ونخلطو عاود ومن بعد الكوك

السميدة

 نضيفو الخميرة

ونحركو الخليط حتا يولي عندنا
خليط متجانس وناخدو المول ديالنا يكون
مدهون بالزبدة ومرشوش بالسميدة
ونخويو فيه الخليط

وندخلوه للفران مسخن على درجة حرارة 180
لمدة نصف ساعة ممكن تاخد اكثر على حساب
الفرن لي عندك جارتي وندوزو نوجدو السيرو
ديالنا نديرو فكسرولة فوق العافية فيها الما
وسكر سنيدة

حتى يولي عاقد وينقص الحجم ديالو
للنصف تقريبا

انا خدات ليا العملية تقريبا 20 دقيقة
ونزيدو عليه المنسم لي حبيتي جارتي
قشرة الحامض محكوكة اولا الليمون اولا
الفاني حسب الذوق ديالك جارتي الغزالة
وملي نخرجو البسبوسة من الفرن

نسقيوها وهي سخونة بالسيرو
والسيرو منسقيوش بيه كولو دقة وحدة
كل مرة نديرو شوية

حتى نكملو الكمية كاملة وباش تا
البسبوسة بالكوك تشرب السيرو
مزيان ومتعجنش ونقدمو البسبوسة
بالكوك من بعد منكنو قطعناها بالصحة والراحة

كنتمنى تعجبكم وتقدموها لاهلكم
وضيافكم ونالو نصيب من صالح دعائكم
ولاغلى الناس بالشفاء العاجل وكذلك
صاحبة الوصفة جزاها الله عنا كل خير

في امان الله

5 11 PT15M PT50M
منوعات جاراتي

11 تعليق

اترك رد

Do NOT follow this link or you will be banned from the site!