براوني بالبندق والشكلاط بطريقة جد سهلة

براوني بالبندق والشكلاط لكن جاراتي باسهل الطرق
وابسطها وصفة جد لذيذة ورائعة من عند الاخت كريمة
نتوكلو على الله

براوني بالبندق والشكلاط

المقادير :

200 غرام شكلاط اسود
120 غرام زبدة دايبة
120 غرام سكر سنيدة
3 البيضات
خنيشة سكر الفاني
100 غرام بندق وكركاع
60 غرام دقيق
شكلاط ابيض للتزيين

طريقة تحضير براوني بالبندق والشكلاط :

ندوبو الزبدة بوحدها والشكلاط فحمام مريم ندوبوه بوحدو

ومن بعد نجيبو البيض والسكر سنيدة

ونطربوهم بالطراب الكهربائي حتى يولي
اللون ديالو ابيض

ونزيدو عليه السكر الفاني ونطربو ونحيدو الزبدة من
فوق العافية وملي تفتر شوية نزيدوها على الخليط ديالنا والشكلاط
والبندق والكركاع مهرمشين

ومن بعد الطحين

ونخلطو مزيان ونجيبو صينية وندهنوها بالزبدة
ومرشوشة بالطحين ونكوبو فيها الخليط

ومن بعد ندخلوها الفران لي نكونو مسخنينو على
درجة حرارة 180 وملي نشوفوها تشقات من الفوق
ودارت قشرة يابسة شوية ومن بعد نخليوها تبرد ونزينوها
بالشكلاط الأبيض ونقدمو براوني بالبندق والشكلاط ونقطعوه

ونقدموه بالصحة والراحة

كنتمنى تعجبكم وتجربوها ومتنساوناش
من صالح دعائكم ولاغلى الناس بالشفاء العاجل

5 3 PT15M PT50M
وصفات الكيك

3 تعليقات

اترك رد

Do NOT follow this link or you will be banned from the site!